Conas a Ghearrtar Cáin ar Chuideachta?
- Conas a Ghearrtar Cáin ar Chuideachta?
- Cad é an ráta Cánach Corparáide?
- Conas a dhéanfaidh mé an cinneadh cé acu mar Thrádálaí Aonair nó mar Chuideachta a thrádálfaidh mé?
Conas a Ghearrtar Cáin ar Chuideachta?
Íocann cuideachtaí Cáin Chorparáide. Gearrtar an cháin seo ar bhrabúis na cuideachta a chuimsíonn idir ioncam agus ghnóthachain inmhuirearaithe. Ríomhtar ioncam cuideachta chun críocha cánach de réir rialacha a bhaineann le Cáin Ioncaim. Ríomhtar gnóthachain inmhuirearaithe de réir rialacha a bhaineann le Cáin Ghnóthachan Caipitiúil.
Cad é an ráta Cánach Corparáide?
Tá trí ráta Cánach Corparáide ann:
Rátaí le héifeacht ó 1 Eanáir 2002
- 12.5% d'ioncam trádála
- 25% d'ioncam neamhthrádála
- 12.5% do ghnóthais bheaga agus mheánmhéide nach bhfuil ioncam trádála níos mó ná €253,948 acu (tá foráil ann i gcomhair faoisimh imeallaigh sa chás nach bhfuil níos mó ná €317,435 d'ioncam ann).
Is ag 10% a fhanann an ráta do chuideachtaí Déantúsaíochta, do chuideachtaí de chuid an Lárionaid Seirbhísí Airgeadais Idirnáisiúnta (LSAI) agus do chuideachtaí Shionainne.
Conas a dhéanfaidh mé an cinneadh cé acu mar Thrádálaí Aonair nó mar Chuideachta a thrádálfaidh mé?
Braitheann sé ar do chúinsí pearsanta féin cé acu mar chuideachta theoranta nó mar thrádálaí aonair ba chóir duit a oibriú. De bhreis ar na saincheisteanna cánachais is gá duit a mheas, tá cúrsaí dlí agus praiticiúla eile ann ba chóir a chur san áireamh nuair a chuirtear cuideachta ar bun. Moltar duit comhairle ghairmiúil a fháil orthu sin.