Ceisteanna Coitianta maidir le Cáin Ghnóchan Caipitiúil
Is é atá i gceist le Cáin Ghnóchan Caipitiúil (CGC) ná cáin a ghearrtar ar ghnóthachain a fhaightear trí shócmhainní a dhiúscairt. Is é a chiallaíonn diúscairt ná úinéireacht na sócmhainne a aistriú cibé trí í a dhíol, trí bhronntanas, trí mhalartú nó trí bhealach eile agus cuimsíonn sé an tsócmhainn a dhiúscairt i bpáirt.
Cé a bheidh faoi dhliteanas Cáin Ghnóchan Caipitiúil a íoc?
- Má tá cónaí nó gnáthchónaí, agus sainchónaí ort sa Stát tá tú faoi dhliteanas i leith do ghnóthachan ar fud an domhain.
- Mura bhfuil cónaí nó gnáthchónaí ort sa Stát tá tú faoi dhliteanas i leith gnóthachan ó dhiúscairt sócmhainní sonraithe.
- Má tá cónaí nó gnáthchónaí ort sa Stát ach nach bhfuil sainchónaí ort ann tá tú faoi dhliteanas i leith gnóthachan ó dhiúscairt iomlán sócmhainní Éireannacha agus ón RA agus i leith gnóthachan ó dhiúscairt sócmhainní eachtracha chomh fada is a ndéantar na gnóthachain a tharchur chun an Stáit.
Tá mínithe ar na téarmaí cónaí, gnáthchónaí, sainchónaí agus sócmhainní sonraithe le fáil ar 
leathanach a ceathair den Treoir maidir le Cáin Ghnóchan Caipitiúil. (PDF, 935KB)
Cén Cáin Ghnóchan Caipitiúil a bhaineann le bás?
Níl aon cháin i gceist; meastar go bhfuair na tairbhithe (nó an t-ionadaí pearsanta) na sócmhainní ag an margadhluach ar dháta an bháis. Tarraingíonn gnóthachain ar bith ó dhiúscairt ina dhiaidh sin CGC ar an difríocht idir an margadhluach ar dháta an bháis agus na fáltais ina dhiaidh sin nó an margadhluach de réir mar is cuí.
- Sócmhainní Inmhuirir
- CGC a Ríomh
- Na Príomhdhíolúintí & Príomhfhaoisimh
- Íocaíochtaí agus Tuairisceáin CGC
- Maoin a Dhiúscairt
- Sócmhainní a Aistriú go dtí Céile nó Páirtnéir Sibhialta
- Ilghnéitheach