Creidmheas Cánach maidir le Cíos
- Cé atá in ann éileamh a dhéanamh?
- Eisiaimh
- Faoiseamh Dlite
- Na Doiciméid atá ag Teastáil
- An áit ar chóir an t-éileamh a sheoladh
- Ábhar Tagartha
- Faisnéis Bhreise
- Faoiseamh Ús Morgáiste
- An féidir an Creidmheas Cánach maidir le Cíos a éileamh má tá an Tionónta ina chónaí lena thuismitheoirí?
- Tiarnaí Talún Neamhchónaitheacha
Cé atá in ann éileamh a dhéanamh?
Duine aonair atá ag íoc as cóiríocht phríobháideach ar cíos atá in úsáid aige nó aici mar phríomháit, nó mar an t-aon áit, chónaithe.
Eisiaimh
Cíos a íoctar le tionóntachtaí na nÚdarás Áitiúil, an Airm srl.
Faoiseamh Dlite
Os cionn 55 - Duine singil, Baintreacha nó Páirtnéir Sibhialta Marthanach, I bPósadh nó i bPáirtnéireacht Shibhialta - Féach cairteacha.
Faoi 55 - Duine singil, Baintreacha/Páirtnéir Sibhialta Marthanach, I bPósadh nó i bPáirtnéireacht Shibhialta - Féach cairteacha.
Na Doiciméid atá ag Teastáil
Foirm
Chíosa 1 - Éileamh ar Fhaoiseamh Cíosa ar Lóistín Príobháideach
ar Cíos (PDF,
270KB)- Ba chóir na sonraí go léir ar an bhFoirm Cíosa 1 a chur san éileamh scríofa.
- Is féidir an creidmheas a éileamh ag úsáid ÍMAT aon tráth aon lá .
An áit ar chóir an t-éileamh a sheoladh
Bain úsáid as d’uimhir PSP chun seoladh poist d'oifig na gCoimisinéirí Ioncaim a fháil inár Aimsitheoir Sonraí Teagmhála.
Ábhar Tagartha
Alt 473 den Acht Comhdhlúite Cánacha 1997
Faisnéis Bhreise
Tá faoiseamh ceadaithe freisin do chíos iníoctha i gcomhair áitreabh lasmuigh den Stát (ní bhaineann teorainn Chríche)
Faoiseamh Ús Morgáiste
Má tá morgáiste agat agus má fhaigheann tú Faoiseamh Cánach ag an bhFoinse ba chóir duit é a chur in iúl láithreach d’Oifig áitiúil na gCoimisinéirí Ioncaim mar go mb’fhéidir nach mbeidh tú i dteideal Faoiseamh Cíosa a fháil níos mó agus go gcaithfear do Theastas Creidmheasanna Cánach a athrú.
An ceadmhach an Creidmheas Cánach Cíosa a éileamh sa chás go bhfuil an Tionónta ina c(h)ónaí lena t(h)uismitheoirí?
Má tá Faoiseamh Cíosa á éileamh maidir leis an cíos atá á íoc ag leanbh lena t(h)uismitheoir, ní bheidh an tuismitheoir i dteideal díolúine Sheomra-ar Cíos a fháil agus beidh air nó uirthi a insint do na Coimisinéirí Ioncaim faoin ioncam cíosa sin . Féach IT 70 - Treoir na gCoimisinéirí Ioncaim ar Ioncam Cíosa chun tuilleadh eolais a fháil ar fhaoiseamh seomraí ar cíos.
Tiarnaí Talún Neamhchónaitheacha
Áit a n-íoctar cíos le tiarna talún nach bhfuil cónaitheach sa Stát, d’fhéadfadh dualgais áirithe a bheith ar an tionónta. Má tá gníomhaire sa Stát ag an tiarna talún a n-íoctar an cíos leis, sa chás sin ní bhaineann aon dualgais. Má íoctar cíos go díreach leis an tiarna talún (clúdaíonn seo íocaíocht dhíreach i gcuntas bainc an tiarna talún) ní mór na gníomhaíochtaí seo a leanas a chur i gcrích. Caithfidh an tionónta 20% den chíos dlite a bhaint ón méid a íoctar leis an tiarna talún. Caithfear an 20% seo a sheoladh chuig na Coimisinéirí Ioncaim. Ba cheart dul i dteagmháil leis an oifig áitiúil de na Coimisinéirí Ioncaim chun na socruithe cuí a dhéanamh chun an muirear seo a bhailiú. Ní mór an 80% a fhágtar a íoc leis an tiarna talún. Ag deireadh na bliana ba chóir don tionónta Foirm R185 - Deimhniú ar Cháin Ioncaim Asbhainte (PDF, 237KB) comhlánaithe a thabhairt don tiarna talún. Tugann an fhoirm seo sonraí faoi mhéid an chíosa a íocadh leis na Coimisinéirí Ioncaim. Is féidir leis an tiarna talún an méid seo a éileamh ar a dTuairisceán Cánach bliantúil.
Blianta cánacha 2011 go dtí 2017, agus an dá bhliain sin san áireamh.
Aistarraingeofar creidmheas ar chíos íoctha ar bhunús céimithe sna 7 mbliana seo romhainn. Chun an t-uasmhéid creidmheasa a bheidh dlite a fheiceáil, féach an Bhileog um Cháin Ioncaim IT1 .
Baineann an creidmheas do na blianta 2011 ar aghaidh le daoine aonair a bhí ag íoc cíosa ar réadmhaoin an 7 Nollaig 2010. Níl aon chreidmheas dlite do dhaoine a thosaigh ag íoc cíosa tar éis an 7 Nollaig 2010.
