Scéimeanna Méadaithe Gnó

Tá faoiseamh ó cháin ioncaim, faoi réir ag coinníollacha, ar fáil do dhaoine aonair a dhéanann caipiteal riosca fadtéarmach a infheistiú i ngnáthscaireanna cuideachtaí neamhluaite atá lonnaithe sa Stát nó sa Limistéar Eorpach Eacnamaíoch agus a bhfuil bunaíocht cháilithe acu sa Stát agus atá gníomhach i dtionscail áirithe déantúsaíochta agus/nó seirbhíse sa Stát. Faigheann an duine an faoiseamh trí asbhaint ó ioncam. Sa bhreis air sin is féidir le tionscadail taighde agus forbartha, a dhéantar d’fhonn ceird den sórt sin a chur ar bun, cáiliú don fhaoiseamh. Is é uasmhéid comhiomlán na hinfheistíochta as a bhfuil faoiseamh ar fáil do dhuine in aon bhliain amháin ná €150,000 agus caithfidh €250 ar a laghad a bheith infheistithe in aon chuideachta amháin.

Ar Ais go Barr

Cé atá in ann éileamh a dhéanamh?

Duine aonair nach bhfuil baint aige leis an gCuideachta ina ndéantar an infheistíocht .i.:

  1. Níl sé ina chomhpháirtí sa chuideachta.
  2. Níl smacht aige ar an gcuideachta.
  3. Níl leas 30% nó níos mó aige sa chuideachta go díreach/go hindíreach nó níl sé i dteideal é a fháil.

Ar Ais go Barr

Coinníollacha Cáilithe

  1. Caithfidh an chuideachta a bheith lonnaithe sa Stát nó a bheith lonnaithe sa Limistéar Eorpach Eacnamaíoch agus bunaíocht a bheith aici sa Stát a fheidhmíonn gníomhaíochtaí cáilithe.
  2. Ní foláir nó go meastar an chuideachta mar mhicrifhiontar, nó mar fhiontar beag nó meánmhéide laistigh de shainmhíniú an Choimisiúin Eorpaigh le haghaidh na tréimhse ábhartha.
  3. Ní foláir nó nach meastar an chuideachta mar ghnólacht a bhfuil deacrachtaí aige chun críocha Treoirlínte an Chomhphobail maidir le Státchabhair chun gnólachtaí a bhfuil deacrachtaí acu a thabhairt slán agus a athstruchtúrú.
  4. Ní foláir nó nach bhfuil smacht ag an gcuideachta ar chuideachta eile nó nach bhfuil sí faoi smacht cuideachta eile.
  5. Ní féidir le scaireanna a bheith luaite ar an Stocmhalartán.
  6. Caithfidh na scaireanna uile arna n-eisiúint sa chuideachta a bheith láníoctha.
  7. Ní foláir nó nach bhfuil sé de rún ag an gcuideachta foirceannadh a dhéanamh laistigh de 3 bliana ó infheistíocht BES a fháil seachas ar chúiseanna tráchtála bona fide.

Ar Ais go Barr

Faoiseamh Dlite

Caithfear éileamh ar fhaoiseamh a dhéanamh laistigh de 2 bhliain ó dheireadh na bliana measúnaithe ina ndéantar scaireanna a eisiúint. Tugtar faoiseamh mar asbhaint ón ioncam iomlán roimh chreidmheasanna agus liúntais chánach.

Faoiseamh Uasta - €150,000 - In aon bhliain chánach.

Faoiseamh Íosta - €250

Is féidir le fear céile agus bean chéile nó páirtnéirí sibhialta faoiseamh €150,000 a fháil ar an gcoinníoll go bhfuil ioncam imleor acu ina gceart féin. Níl aon trasdáileadh faoisimh idir céilí nó páirtnéirí sibhialta.

Nuair nach féidir méid iomlán na hinfheistíochta a dheonú sa bhliain mar gheall ar:

  1. Méid atá níos mó ná ioncam iomlán, nó
  2. Méid atá níos mó ná €150,000

is féidir an barrachas a thabhairt ar aghaidh agus a dheonú mar seo a leanas:

  • sa chéad áit, maidir leis an méid a thugtar ar aghaidh agus,
  • ansin, maidir leis an méid a íoctar as scaireanna sa bhliain áirithe sin.

Ar Ais go Barr

Ábhar Tagartha

pdfBusiness Expansion Scheme - Bileog IT 55 (BES) Nua (PDF, 135KB) - bailí le héifeacht ón 1 Eanáir 2007.

pdfBusiness Expansion Scheme (PDF, 134KB) - Léiríonn leagan seo na Bileoige IT 55 (BES) riachtanais na scéime roimh 2007.

Ar Ais go Barr

Faisnéis Bhreise

Faoiseamh

Ceadaítear é seo sa bhliain ina n-eisítear na scaireanna agus ní sa bhliain as a n-íoctar iad. Is féidir le hinfheisteoirí i gcistí ainmnithe, áfach, rogha a dhéanamh i scríbhinn an faoiseamh a cheadú i mbliain na hinfheistíochta ar an gcoinníoll go ndéantar na scaireanna a eisiúint an bhliain ina dhiaidh sin.

(Adobe Acrobat Reader PDFNasc seachtrach)

Ar Ais go Barr


Leagan furasta le priontáil