Baile   Maoin   Dleacht Stampála  

Dleacht Stampa agus Maoin

  1. Léargas ginearálta
  2. Maoin chónaithe
  3. Maoin neamhchónaithe
  4. Maoin áirithe a ndíorthaítear a luach ó mhaoin dho-aistrithe
  5. Maoin úsáide mheasctha
  6. Rátaí
  7. Malartuithe
  8. Socruithe eatramhacha

Maoin úsáide mheasctha

Maoin úsáide measctha is ea maoin a bhfuil cuid chónaithe agus cuid neamhchónaithe ann, mar shampla siopa a bhfuil árasán thuas staighre uaidh.

Sampla eile de mhaoin úsáide mheasctha ná nuair a sháraíonn an cúirtealáiste 1 acra. Áirítear i gcúirtealáiste gairdíní, cosáin, cabhsáin, clóis, garáistí nó cróite a úsáidtear i dteannta le teach.

Nuair is maoin úsáide mheasctha atá sa mhaoin, ní mór duit an chomaoin don mhaoin a chionroinnt idir na codanna cónaithe agus na codanna neamhchónaithe. Má fhaightear an mhaoin mar bhronntanas ní mór duit an luach margaidh a chionroinnt.

Ba chóir duit taifead a choinneáil den chaoi ar tháinig tú ar an gcinneadh an chomaoin a chionroinnt.

  • Sampla

    Cheannaigh Siubhán siopa le hárasán thuas staighre ar €220,000. Fuair sí luacháil go raibh €120,000 ar an siopa, agus €100,000 ar an árasán. Thíolaic sí a tuairisceán Dleachta Stampa bunaithe ar an luacháil a fuair sí.

    Ba chóir do Shiubhán an taifead den luacháil a choinneáil ar feadh na tréimhse cuí.

Ar aghaidh: Rátaí

Foilsithe: 27 Iúil 2023 Priontáil an leathanach seo

Leathanach baile Ar ais go barr