Baile   Cáin Cláraithe Feithiclí (CCF)  

Cáin Chláraithe Feithiclí (CCF) a ríomh

  1. Léargas ginearálta
  2. An cháin a ghearradh
  3. An luach a mheasúnú
  4. CCF breise
  5. CBL agus Dleacht Chustam
  6. Feithiclí leictreacha agus hibrideacha
  7. Astaíochtaí Ocsaíde Nítrigine
  8. Muirear NOx

Muirear NOx

Bonn an mhuirir

Beidh astaíochtaí Ocsaíd Nítrigine (NOx) incháinithe ón 1 Eanáir 2020. Tá an muirear infheidhme ar gach feithicil i gCatagóir A seachas feithiclí leictreacha ach le feithiclí hibrideacha san áireamh.

Beidh an muirear NOx mar chuid den cháin cláraithe feithiclí de réir na hachoimre thíos:

Muirear Dé-ocsaíde Carbóin + Muirear NOx = Iomlán an CCF iníoctha

Gearrtar NOx ar bhonn an mhilleagraim sa chiliméadar, mar a thaifeadtar ar an Deimhniú Comhréireachta. I gcás feithiclí tromshaothair, milleagraim sa cileavatuair a bheidh ann.

Ag brath ar dhoiciméid amhail deimhnithe eachtracha cláraithe, féadfaidh sé go dtaispeántar an figiúr mar ghraim sa chiliméadar. Ní bheidh éifeacht aige seo ar an gcáin dhlite mar gheall go dtiontóidh na Coimisinéirí Ioncaim é seo go milleagraim nuair a dhéantar an ríomh ag tráth an chlárúcháin.

Suim dhlite

Ríomhfar an muirear NOx de réir an tábla seo a leanas:

Ríomh an mhuirir NOx
Astaíochtaí NOx (NOx mg/km nó mg/kWh)Suim iníoctha sa mg/km nó mg/kWh
An chéad 0-40 mg/km nó mg/kWh, de réir mar is cuí €5
An chéad 40 mg/km nó mg/kWh eile nó cuid de, de réir mar is cuí, suas le 80 mg/km nó mg/kWh, de réir mar is cuí €15
An fuílleach os cionn 80 mg/km nó mg/kWh, de réir mar is cuí €25

Mura bhféadtar fianaise shásúil ar astaíochtaí NOx a chur ar fáil, gearrfar na muirir uasta seo a leanas:

  • Feithiclí díosail:€4,850
  • nó
  • Gach cineál eile: €600

Samplaí den ríomh CCF

  • Feithicil shamplach 2016, salún, 4 dhoras, 1.8l pitreal

    Doiciméad cláraithe roimhe seo:

    - CO2 (g/km) - 124 figiúr (NEDC)
    Úsáid an fhoirmle 2021 leis an bhfigiúr WLTP a fháil
    124 x 0.9227 + 34.554 = 148.9688 a thugann CO2 ríofa (g/km) 148.

    - CO2 (g/km) - 148
    - NOx (g/km) - 0.008
    - Praghas díola ar an margadh oscailte (PDMO) - €27,871

    An chomhchuid CO2 den CCF dlite -148 g/km = 25% den PDMO = €6,967

    An chomhchuid NOx den CCF dlite - 8 mg (0.008 g x 1,000) x €5 = €40

    Iomlán an CCF dlite (CO2 + NOx le chéile) = €7,007

  • Feithicil shamplach, 2006, 5 dhoras, SUV, 3l díosal

    Doiciméad cláraithe roimhe seo:

    - CO2 (g/km) - 213 figiúr (NEDC)
    Úsáid an fhoirmle 2021 leis an bhfigiúr WLTP a fháil
    213 x 1.1405 + 12.858 = 255.7845 a thugann CO2 ríofa (g/km) 255.

    NOx (g/km) - 0.090
    PDMO - €2,542

    An chomhchuid CO2 den CCF dlite - 255 g/km = 41% den PDMO = €1,042

    An chomhchuid NOx den CCF dlite - 90 mg (0.090 g x 1,000)
    - an chéad 40g x €5 = €200
    - an chéad 40g eile x €15 = €600
    - an chéad 10g eile x €25 = €250
    - Iomlán = €1050

    Iomlán an CCF dlite (CO2 + NOx le chéile) = €2,092

  • Feithicil shamplach, 2015, 5 dhoras, cúlhaiste díosail, 1.9l

    Doiciméad cláraithe roimhe seo:

    - CO2 (g/km) - 103 figiúr (NEDC)
    Úsáid an fhoirmle 2021 leis an bhfigiúr WLTP a fháil
    103 x 1.1405 + 12.858 = 130.3295 a thugann CO2 (g/km) 130.

    - CO2 (g/km) - 130
    - NOx (g/km)
    - PDMO = €12,017

    An chomhchuid CO2 den CCF dlite - 130 g/km = 17.5% den PDMO = €2,102

    An chomhchuid NOx den CCF dlite - Gan fianaise shásúil curtha ar fáil i leith NOx. Muirear uathoibríoch: €4,850

    Iomlán an CCF dlite (CO2 + NOx le chéile) = €6,952

  • Feithicil shamplach, 2010 coupé spóirt, 2 dhoras, 5l peitreal

    Doiciméad cláraithe roimhe seo:

    - CO2 (g/km)
    - NOx (g/km)
    - PDMO - €30,847

    An chomhchuid CO2 den CCF dlite - Gan fianaise shásúil curtha ar fáil i leith CO2: 41% den PDMO = €12,647

    An chomhchuid NOx den CCF dlite - Gan fianaise shásúil curtha ar fáil i leith NOx. Muirear uathoibríoch: €600

    Iomlán an CCF dlite (CO2 + NOx le chéile) = €13,247

Leathanach baile Ar ais go barr