Baile   Cáin Cláraithe Feithiclí (CCF)  

Íocaíocht chomhréireach CCF ar fheithiclí léasaithe

  1. Léargas ginearálta
  2. Cén chaoi a gcáilíonn feithicil
  3. Iarratas comhlachta léasaithe
  4. Iarratas custaiméara
  5. Dearbhú agus clárú
  6. Síneadh a chur le léas
  7. An fheithicil a choinneáil
  8. Nós imeachta um easpórtáil

Dearbhú agus clárú

Nuair atá an próiseas iarratais déanta, iarrfaidh an córas ort dearbhú a shíniú agus a thíolacadh. Má cheadaítear é, nascfar d’iarratas rathúil le hUimhir Aitheantas d’fheithicle. 

Tá an t-iarratas faoi réir táille riaracháin neamh-in-aisíoctha €100, iníoctha ag tráth an chlárúcháin. Tá feidhm leis seo is cuma má éiríonn le d’iarratas nó nach n-éiríonn.

Beidh na gnáthriachtanais le haghaidh feithicil a chlárú (na doiciméid a theastaíonn a thíolacadh) fós i bhfeidhm ag céim chlárú na feithicle.  

Tabhair do d’aire nach ndéantar an Cháin Cláraithe Feithiclí (CCF) comhréireach a ríomh ach ag tráth an chlárúcháin amháin. Ní bheidh sé indéanta an dliteanas Cánach Cláraithe Feithiclí dlite a mheas roimh ré.

Léirítear sna samplaí seo a leanas an chaoi a n-oibríonn an ríomh seo.

  • Sampla 1

    Ríomh na híocaíochta comhréirí - Léas 12 mhí

    Léas 12 mhí
    Dáta tosaigh an léasaDáta deiridh an léasaTréimhse an léasaSuim an CCF ar an bhfeithicil
    14 Meán Fómhair 2019 13 Lúnasa 2020 12 mhí €10,000

    CCF dlite faoin Scéim

    - is é 21% an ráta comhréireach infheidhmithe ar léas 12 mhí.

    - Is é an tsuim CCF atá dlite ag tráth an chlárúcháin ná 21% den CCF iomlán ríofa.

    Suim iomlán le híoc ag tráth an chlárúcháin

    CCF ag an ráta comhréireach = €10,000 * 21% = €2,100 + an táille riaracháin €100 = €2,200

  • Sampla 2

    Ríomh na híocaíochta comhréirí a ríomh - Léas 26 mí

    Léas 26 mhí
    Dáta tosaigh an léasaDáta deiridh an léasaTréimhse an léasaSuim an CCF ar an bhfeithicil
    30 Meán Fómhair 2019 1 Deireadh Fómhair 2021 26 mhí €10,000

    CCF dlite faoin Scéim

    - is é 35% an ráta comhréireach infheidhmithe ar léas 26 mhí.

    - Is é an tsuim CCF atá dlite ag tráth an chlárúcháin ná 35% den CCF iomlán ríofa.

    Suim iomlán le híoc ag tráth an chlárúcháin

    CCF ag an ráta comhréireach = €10,000 * 35% = €3,500 + an táille riaracháin €100 = €3,600

Ar aghaidh: Síneadh a chur le léas

Leathanach baile Ar ais go barr