Ag Clárú do Cháin
Conas a chláraím le haghaidh cánach?
Ní mór duit an oifig chánach a chur ar an eolas nuair a thosaíonn tú i mbun gnó. Is féidir leat é seo a dhéanamh trí cheann de na foirmeacha seo a líonadh:
Foirm
Chláraithe TR1 - Foirm chláraithe chánach do thrádálaithe aonair, d’iontaobhais
agus do pháirtnéireachtaí (PDF, 77KB)- PREM Reg
- Foirm chláraithe chánach d'fhostóirí (ÍMAT/ÁSPC) (PDF, 189KB)
Tá na foirmeacha seo ar fáil ó aon Oifig Ioncaim, agus is féidir iad a úsáid chun clárú le haghaidh aon cheann nó gach ceann díobh seo a leanas:
- Cáin Ioncaim
- ÍMAT/ÁSPC Fostóra
- Cáin Bhreisluacha
- Cáin Chonarthaí Iomchuí
Má tá tú ag bunú cuideachta is cóir duit Foirm TR2 - Foirm chláraithe chánach do chuideachtaí (PDF, 75KB) a líonadh. Is féidir í seo a úsáid chun clárú le haghaidh aon cheann nó gach ceann díobh seo a leanas:
- Cáin Chorparáide
- ÍMAT/ÁSPC Fostóra
- Cáin Bhreisluacha
- Cáin Chonarthaí Iomchuí
Go gairid tar éis cláraithe, is féidir go dtabharfaidh oifigeach de chuid na gCoimisinéirí Ioncaim cuairt ort, nó is féidir leat é seo a iarraidh, chun cabhrú leat an córas cánach a oibriú. Déileálfar le haon deacrachtaí nó ceisteanna agus tabharfar cúnamh ginearálta chun cabhrú leat do dhualgais chánach a chomhlíonadh. Is féidir leat "Cuairt um Chuideachta Nua" a iarraidh ar d'Oifig Ioncaim áitiúil.
