Céard is Dleacht Stampála ann?
Léargas ginearálta
Míniú ar an Dleacht Stampa
Is cáin í an Dleacht Stampa ar ionstraimí áirithe (doiciméid i scríbhinn).
Tá Dleacht Stampa inmhuirir i leith ionstraimí lena n-aistrítear talamh agus foirgnimh atá suite in Éirinn. De ghnáth, tugtar ‘Gníomhais Aistrithe’ nó ‘Gníomhais Tíolacais’ ar ionstraimí den chineál seo.
Tá Dleacht Stampa inmhuirir i leith na n-ionstraimí seo a leanas:
- léasanna scríofa i leith talún agus foirgneamh atá suite in Éirinn
- ionstraimí lena n-aistrítear scaireanna nó stoic cuideachtaí Éireannacha (foirmeacha Aistrithe Stoic)
- ionstraimí lena n-aistrítear maoin mar bhronntanas
- comhaontuithe nó conarthaí áirithe i scríbhinn chun maoin a aistriú
- comhaontuithe léasa áirithe i scríbhinn
- ionstraimí a bhaineann le maoin Éireannach nó rud éigin a rinneadh nó atá le déanamh in Éirinn, is cuma cén áit a bhforghníomhaítear iad.
Féadtar tuilleadh eolais a fháil faoi ionstraimí atá faoi dhliteanas in Schedule 1 and Part 5 of the Stamp Duties Consolidation Act, 1999.
Íoctar Dleacht Stampa chomh maith i leith an mhéid seo:
- cártaí airgeadais (cártaí UMB, cártaí dochair, cártaí muirir agus cártaí creidmheasa)
- tobhaigh (lena n-áirítear préimheanna árachais saoil agus neamhshaoil, árachóirí sláinte agus ranníocaíochtaí chuig an gCiste Cúitimh Árachais)
- aistrithe leictreonacha trí CREST de scaireanna, stoic agus urrúis indíolta
- seiceanna agus billí malartaithe eile.
Tabhair do d'aire
Níl dleacht stampa inmhuirir i leith nótaí gealltanais a tarraingíodh, a rinneadh nó a forghníomhaíodh (sínithe, séalaithe nó an dá rud) ar an 2 Aibreán 2007 nó dá éis.
Ar aghaidh: Cén uair a bhíonn ionstraim faoi réir Dleacht Stampa?