Postchúnamh (Daoine dífhostaithe go fadtéarmach ag glacadh le Post)

Tá faoiseamh speisialta ann do dhaoine atá dífhostaithe le bliain ar a laghad agus a ghlacann post nua. Is é €3,810 an faoiseamh sa chéad bhliain fostaíochta móide €1,270 do gach leanbh, a laghdaíonn go dtí dhá thrian den mhéid sin i mBliain 2 agus aon trian i mBliain 3.

Ar Ais go Barr

Cé atá in ann éileamh a dhéanamh?

Duine

  • a bhí dífhostaithe go leanúnach le 12 mhí ar a laghad agus
  • atá ag fáil Sochar Cuardaitheora Poist, Cúnamh Cuardaitheora Poist, Íocaíocht Teaghlach Aontuismitheora, Pinsean na nDall, Liúntas Míchumais nó
  • ó 01/01/06 ar leith Pinsean Easláine le 12 mhí ar a laghad nó Sochar Breoiteachta ar feadh trí bliana ar a laghad.

Ón 1 Eanáir 2010, ní bheidh suas le 15 lá d’fhostaíocht theagmhasach, a cuireadh san áireamh agus sochair Coimirce Sóisialaí á ríomh, san áireamh (.i. ní mór duit a bheith ag fáil íocaíochtaí Coimirce Sóisialaí ar feadh 12 mhí móide suas go dtí 15 lá ionas go n-áireofaí laethanta fostaíochta teagmhasaí).

Beidh príosúnaigh sna catagóirí seo a leanas incháilithe do Postchúnamh -

  • Ó 31 Iúil 1998 ar aghaidh beidh príosúnaigh a scaoileadh saor faoi théarmaí Chomhaontú Aoine an Chéasta incháilithe má chaith siad téarma leanúnach sa phríosún ar feadh 12 mhí ar a laghad, roimh dháta tosaigh na fostaíochta
  • Ó 1 Eanáir 2006, má scaoileadh príosúnach saor meastar go bhfuil na tréimhsí a caitheadh i bpríosún ar aon chéim le tréimhsí dífhostaíochta.

Ar Ais go Barr

Coinníollacha Cáilithe

Caithfidh an t-éilitheoir fostaíocht a ghlacadh -

  • a thosaíonn an 6 Aibreán 1998 nó ina dhiaidh
  • a leanann ar feadh 30 uaire in aghaidh na seachtaine ar a laghad
  • ar féidir léi leanúint ar aghaidh ar feadh 12 mhí agus
  • chomh fada is nár briseadh an duine a bhí fostaithe cheana as a phost
  • nach bhfuil an fhostaíocht bunaithe go príomha ar choimisiúin (.i. thar 75% de thuillimh bunaithe ar choimisiúin)
  • nach raibh aon iomarcaíochtaí sa chomhlacht sa 26 seachtaine roimhe
  • nach fostaíocht í áit nach raibh aon fórsa oibre ag teastáil ón bhfostóir.

Ar Ais go Barr

Faoiseamh Dlite

Féach na cairteacha chun an faoiseamh atá dlite a fháil.

Tá an t-éilitheoir i dteideal liúntais bhreise i leith gach linbh incháilithe.

Tá liúntais dlite do thréimhse trí bliana cánach.

Ar Ais go Barr

Na Doiciméid atá ag Teastáil

pdfFoirm RJA1 - Cúnamh Poist na gCoimisinéirí Ioncaim (PDF, 294KB) .

Cuid 1 le comhlánú ag an bhfostaí.

Cuid 2 le comhlánú ag an bhfostóir.

Ar Ais go Barr

Ábhar Tagartha

Ar Ais go Barr

Faisnéis Bhreise

  • Tugtar faoiseamh do dhaoine incháilithe amháin
  • Níl sé ar fáil ach in aghaidh tuillimh ó phost incháilithe agus ní féidir leis na tuillimh ón bpost incháilithe a shárú
  • Féadann éilitheoir éileamh a dhéanamh sa bhliain chánach mheasúnaithe inar thosaigh an fhostaíocht nó sa bhliain chánach dar gcionn, cibé acu is fearr don éilitheoir
  • Ní féidir an chuid neamhúsáidte den liúntas a aistriú chuig céile nó do pháirtnéir.
  • Féadann fostaí an fhostaíocht a athrú nó a atosú uair amháin sa tréimhse trí bliana agus an liúntas a choinneáil chomh fada is gur fostaíocht incháilithe an dara post. Má thosaíonn fostaí an tríú post caillfidh siad an liúntas.

Nuashonraithe: Deireadh Fómhair 2011

(Adobe Acrobat Reader PDFNasc seachtrach)

Ar Ais go Barr


Leagan furasta le priontáil