Táillí Teagaisc

Tá faoiseamh cánach ag an ráta caighdeánach cánach ar fáil dóibh seo a leanas:
Táillí teagaisc íoctha do chúrsaí fochéimithe lánaimseartha agus páirtaimseartha áirithe a mhaireann ar feadh 2 bhliain ar a laghad. Baineann an faoiseamh le táillí suas go dtí luach €7,000.
Táillí teagaisc íoctha do chúrsaí oiliúna áirithe i réimse na teicneolaíochta faisnéise agus i dteangacha iasachta. Baineann an faoiseamh le táillí ar fiú idir €315 agus €1,270 iad.
Táillí teagaisc íoctha do chúrsaí iarchéime áirithe.

Cé atá in ann éileamh a dhéanamh?

Duine a íocann táillí ag Coláistí Príobháideacha/Coláistí Tríú Leibhéal Maoinithe go Poiblí thar ceann é/í féin nó thar ceann duine ar bith eile.

Ar Ais go Barr

Coinníollacha Cáilithe

  • Caithfidh sé gur cúrsa faofa é i gcoláiste faofa sa Stát, i mballstát eile de chuid an AE nó i stát nach ball den AE (ach amháin cúrsaí iarchéime sa chás deireanach) é
  • Caithfidh na Cúrsaí Fochéimithe lánaimseartha agus páirtaimseartha maireachtáil ar feadh 2 bhliain ar a laghad.
  • Ba cheart go mairfeadh Cúrsaí Iarchéime 1 bhliain ar a laghad ach ní féidir leo a bheith níos faide ná 4 bliana.
  • Caithfidh cúrsaí oiliúna i réimse na teanga iasachta agus na teicneolaíochta faisnéise maireachtáil ar feadh níos lú na 2 bhliain.

D’fhéadfadh sé go mbeidh cúrsaí nach bhfuil ar liostaí bliantúla na gCoimisinéirí Ioncaim atá soláthraithe ag an Roinn Oideachais & Scileanna, incháilithe d’fhaoiseamh áit go gcomhlíonann siad coinníollacha Alt 473A

Ar Ais go Barr

Cúrsaí Faofa atá Cáilithe

  • Cúrsaí fochéimithe lánaimseartha agus páirtaimseartha i gcoláistí atá maoinithe go poiblí agus i gcoláistí príobháideacha faofa áirithe sa Stát,
  • cúrsaí fochéimithe lánaimseartha agus páirtaimseartha i gcoláistí atá maoinithe go poiblí nó creidiúnaithe i mballstát den AE
  • Cúrsaí iarchéime i gcoláistí atá Maoinithe go Poiblí agus i gcinn áirithe príobháideacha agus faofa sa Stát
  • Cúrsaí iarchéime i gcoláistí atá maoinithe go poiblí nó creidiúnaithe i dtíortha de chuid an AE agus i dtíortha nach cuid den AE iad
  • cúrsaí cianfhoghlama áirithe.

Ar Ais go Barr

Faoiseamh Dlite

Tá faoiseamh ann in aghaidh an chúrsa, in aghaidh na bliana acadúla. Is féidir éilimh a dhéanamh sa chás go bhfuil níos mó ná páiste amháin i gceist. Uasmhéid - €7,000 in aghaidh an chúrsa don bhliain 2011 agus na mblianta ina ndiaidh sin (€5,000 do no mbliana 2005 go 2010 agus €3,175 roimh 2005).

Cúrsaí i dTeanga Iasachta & Cúrsaí FÁS:

  • Íosmhéid - €315 in aghaidh an chúrsa
  • Uasmhéid - €1,270 in aghaidh an chúrsa

Ar Ais go Barr

Féach Liostaí do Choláistí Faofa

Na Doiciméid atá ag Teastáil

Iarratas scríofa a thugann na sonraí seo a leanas:

  • Méid na dTáillí Teagaisc
  • Ainm, seoladh agus uimhir PSP an duine a d’íoc táillí teagaisc
  • Ainm, seoladh agus uimhir PSP an mhic léinn
  • Cúrsa staidéir agus fad an chúrsa
  • Deimhniú go bhfuil maoiniú poiblí/príobháideach ag an gcoláiste i dtír san AE/nach cuid den AE í

Ní gá fáltais do Tháillí Teagaisc íoctha a chur isteach in éineacht leis an éileamh. Toisc go bhféadfaí an fáltas a iarraidh le deimhniú a fháil sa todhchaí, ba cheart don éilitheoir fáltas a choinneáil.

Srian ama ceithre bliana

Ní mór éileamh ar fhaoiseamh ó cháin a dhéanamh laistigh de 4 bhliain ó dheireadh na bliana cánach lena mbaineann an t-éileamh.

Ar Ais go Barr

An áit ar chóir an t-éileamh a sheoladh

Bain úsáid as d’uimhir PSP chun seoladh poist d'oifig na gCoimisinéirí Ioncaim a fháil inár Aimsitheoir Sonraí Teagmhála

Ar Ais go Barr

Ábhar Tagartha

Nuashonraithe: Mean Fómhair 2011

(Adobe Acrobat Reader PDFNasc seachtrach)


Leagan furasta le priontáil