Oibríochtaí Próiseála Feola
D'fhéadfadh aon cheann de na sainmhínithe seo a leanas a bheith i gceist le "hOibríochtaí Próiseála Feola":
- Eallach, caoirigh, muca, éanlaith chlóis, turcaithe, guinithe, lachain nó géanna a mharú;
- Éanlaith chlóis, turcaithe, guinithe, lachain nó géanna a ghabháil;
- Deighilt (gearradh nó díchnámhú san áireamh), sórtáil, pacáistiú (folúsphacáistiú san áireamh), athchlúdach nó brandáil (nó aon phróiseas cosúil) a dhéanamh ar chonablaigh nó aon chuid de chonablaigh (feoil san áireamh) eallaigh, caorach, muc, éanlaithe clóis, turcaithe, guinithe, lachan nó géanna maraithe;
- Modhanna leasaithe (fuarstóráil san áireamh) a chur i bhfeidhm ar chonablaigh nó aon chuid de chonablaigh (feoil san áireamh) eallaigh, caorach, muc, éanlaithe clóis, turcaithe, guinithe, lachan nó géanna maraithe;
- Lódáil nó dílódáil chonablaigh nó aon chuid de chonablaigh (feoil san áireamh) eallaigh, caorach, muc, éanlaithe clóis, turcaithe, guinithe, lachan nó géanna maraithe, ag aon áitreabh ina ndéantar na hoibríochtaí atá luaithe in alt (a), (c) agus (d) thuas;
- Tarlú chonablaigh nó aon chuid de chonablaigh (feoil san áireamh) eallaigh, caorach, muc, éanlaithe clóis, turcaithe, guinithe, lachan nó géanna maraithe, ag aon áitreabh ina ndéantar na hoibríochtaí atá luaithe in alt (a), (c) agus (d) thuas;
- Rindreáil a dhéanamh ar chonablaigh nó aon chuid de chonablaigh eallaigh, caorach, muc, éanlaithe clóis, turcaithe, guinithe, lachan nó géanna maraithe;
- Glanadh/sciúradh aon áitribh ina ndéantar aon oibríocht ar a ndéantar cur síos in alt (a), (c) agus (d) thuas;
- Grádú, gnéaschinneadh, agus iompar sicíní lae d'éanlaith chlóis, turcaithe, guinithe, lachain nó géanna;
- Tarlú ar cíos eallaigh, caorach, muc, éanlaithe clóis, turcaithe, guinithe, lachan nó géanna, nó aon ábhair, innealra nó gléasra le húsáid i dtaca le haon oibríocht ar a ndéantar cur síos in alt (a) go (h) thuas, cé acu an bhfuil úsáid bainte astu nó nach bhfuil.