Trádáil Leictreonach Scaireanna (CREST)
Sa chás go ndéantar an t-aistriú go leictreonach tríd an gcóras CREST, gearrfar muirear de 1% chomh maith.
CREST
Is é CREST an t-ainm atá ar chóras leictreonach a ghlanann aistriú scaireanna lena ndéileáiltear ar stocmhalartáin roghnaithe.
Thug an Acht na gCuideachtaí, 1990 (Urrúis Neamhdheimhnithe) Rialacháin 1996 (Ionstraim Reachtúil uimhir 68, 1996) deis do chuideachtaí Éireannacha cead a thabhairt dá scairshealbhóirí:
- a dteideal chun scaireanna a chur in iúl ar shlí seachas scairdheimhniú, agus;
- a gcuid scaireanna a aistriú go leictreonach i.e. gan fhoirm aistrithe stoic.
Ní mór na haistrithe a chur chun críche trí chóras leictreonach de réir na rialachán, agus oibreoir an chórais sin a bheith faofa ag an Aire Fiontar, Trádála agus Fostaíochta (nó comhlacht eile ceaptha ag an Aire) nó ag údarás iomchuí i mballstát eile an Aontais Eorpaigh. Fomhadh CRESTCo Teo., nó Euroclear UK & Ireland Teoranta mar a thugtar air anois, chun an córas (darb ainm CREST) a fheidhmiú, trínar féidir scaireanna a aistriú go leictreonach.
Gabhann an tAcht Comhdhlúite Dleachtanna Stampa, 1999 in ionad na reachtaíochta a bhí achtaithe san Acht Airgeadais, 1996. Baineann Alt 68 go 78 le haistriú leictreonach scaireanna.
An tAcht Airgeadais 2007
Go dtí 1 Deireadh Fómhair 2007, bhí úsáideoirí an chórais CREST in ann iarratas a dhéanamh ar dhíolúintí cosúil le Cruthaitheoir Margaidh agus scéimeanna faoisimh cosúil le Bróicéir-Déileálaí, Dúnadh, srl. Ach, chuir an tAcht Airgeadais 2007 deireadh leo siúd, agus thug sé scéimeanna faoisimh nua isteach, lena n-áirítear Faoiseamh do Chontrapháirtithe Lárnacha agus Faoiseamh d'Idirghabhálaithe.
D'fhéadfá tuilleadh eolais maidir le Faoiseamh do Chontrapháirtithe Lárnacha agus Faoiseamh d'Idirghabhálaithe a fháil sna nótaí treorach thíosnasctha. Tabhair faoi deara nach bhfuil Alt 5.4 den Treoir (Lúnasa 2007) bainteach a thuilleadh de bharr gur tugadh Faoiseamh Uathoibríoch d'Idirghabhálaithe ar an gcóras CREST ar 28 Eanáir 2008.
Nótaí Treorach - Dleacht stampála ar aistriú urrús Éireannach (PDF, 256KB) - Faoiseamh do Chontrapháirtithe Lárnacha agus Faoiseamh d'Idirghabhálaithe- Dleacht stampála ar aistriú urrús Éireannach (PDF, 92KB) - Athruithe Oibríochtúla ar CREST, Eanáir 2008 - Fógra, Feabhra 2008 (Gabhann sé seo in ionad an fhógra a eisíodh in Eanáir 2008)
Léigh na nótaí treorach thuasnasctha sula ndéanfaidh tú an fhoirm iarratais seo a leanas a chomhlánú
- Foirm Iarratais chun a bheith i d'Idirghabhálaithe Aitheanta (PDF, 58KB)
- Liosta na Stocmhalartán/Margaí Ceaptha
- Liosta na dTithe Imréitigh Aitheanta
Foirmeacha Athéilimh
-
Foirm Iarratais chun dleacht stampála a athéileamh (PDF, 120KB) - Faoiseamh d'Idirghabhálaithe
-
Foirm Iarratais chun dleacht stampála a athéileamh (PDF, 124KB) - Gan athrú ar úinéireacht thairbhiúil (NCBO)