Baile   Fostú daoine   Tuairisceáin agus foirmeacha cánach a bhaineann le fostaíocht  

Fostaíocht a thosú nó a fhágáil (P45)

  1. Léargas ginearálta
  2. Rannán na sonraí ginearálta ar an P45 a chomhlánú
  3. Rannán Íoc Mar a Thuillir (ÍMAT) ar an P45 a chomhlánú
  4. Na rannáin um an Muirear Sóisialach Uilíoch (MSU) agus Árachas Sóisialach Pá-Choibhneasa (ÁSPC) ar an P45 a chomhlánú
  5. P45 a thíolacadh agus dátaí íocaíochta le haghaidh an P45 fhorlíontaigh
  6. Bás fostaí nó bás a gcéile nó a bpáirtnéir sibhialta
  7. Scor nó aistriú fostaí

Rannán Íoc Mar a Thuillir (ÍMAT) ar an P45 a chomhlánú

Tabhair do d’aire

Baineann an t-eolas ar an leathanach seo le fostaíochtaí a scoireadh ar 31 Nollaig 2018 nó roimhe.

Ní iarrtar ort P45 a eisiúint i gcás fostaíochtaí a scoirtear tar éis 31 Nollaig 2018. Le heolas a fháil ar riachtanais reatha, féach ar  Dualgais fostóra ó 1 Eanáir 2019.

Rannán (a): Iomlán pá agus cáin asbhainte ón 1 Eanáir go dáta scoir

Pá iomlán

Cuir isteach pá iomlán a fuair d'fhostaí ón 1 Eanáir go dtí an lá ar fhág siad d'fhostaíocht. Baineann na sonraí seo leis an mbliain reatha amháin.

Cáin iomlán asbhainte

Cuir isteach suim iomlán na cánach asbhainte ón 1 Eanáir go dtí an dáta ar fhág siad d'fhostaíocht. Baineann na sonraí seo leis an mbliain reatha amháin.

Rannán (b): Má tosaíodh fostaíocht ó 1 Eanáir i leith

Cuir isteach sonraí asbhainte pá agus cánach don tréimhse fostaíochta seo amháin.

Pá (an fhostaíocht seo)

Níor chóir duit é seo a chomhlánadh ach sa chás gur thosaigh tréimhse deireadh fostaíochta d'fhostaí ón 1 Eanáir. Cuir isteach an phá iomlán a fuair d'fhostaí ón dáta tosaithe go dtí an lá ar fhág sé nó sí d'fhostaíocht.

Cáin asbhainte nó aisíoctha

Cuir isteach an tsuim cánach asbhainte nó aisíoctha do d'fhostaí sa tréimhse deiridh fostaíochta. Níor chóir lúibíní nó comhartha caillteanais a bheith san fhigiúr a chuireann tú isteach.

Má aisíocadh an figiúr cánach i gcuid (b) le d'fhostaí cuir marc 'X' sa bhosca (b).

  • Sampla

    D'oibrigh fostaí dhá thréimhse fostaíochta leat in 2016:

    Tréimhse 1: 1 Eanáir go 25 Márta

    Tréimhse 2: 10 Meitheamh go 15 Meán Fómhair

    Fágann d'fhostaí ar an 15 Meán Fómhair tar éis an dara tréimhse fostaíochta. Ba chóir duit P45 a chomhlánadh mar a leanas:

    Dáta tosaithe: 10 Meitheamh

    Dáta scoir: 15 Meán Fómhair

    Ba chóir pá d'fhostaí don tréimhse 10 Meitheamh go 15 Meán Fómhair a chur isteach ag '(b) Pá (an fhostaíocht seo)'

    Ba chóir cáin d'fhostaí don tréimhse 10 Meitheamh go 15 Mean Fómhair a chur isteach ag '(b) Cáin asbhainte nó cáin aisíoctha'

    Cuir isteach an pá agus an cháin iomlán ó gach fostaíocht ón tréimhse 1 Eanáir go 15 Meán Fómhair, fostóirí eile ináirithe. Ba chóir é seo a chur isteach ag '(a) Iomlán pá agus cánach asbhainte ón 1 Eanáir seo caite go dáta scoir'.

    Ba chóir go mbeadh an tsuim a leanas ináirithe san fhigiúr 'Iomlán pá':

    Pá do Thréimhse 1 (1 Eanáir go 25 Márta)

    Sonraí pá ó fhostaíocht(aí) eile: 26 Márta go 9 Meitheamh (más ann)

    Pá do Thréimhse 2 (10 Meitheamh go 15 Meán Fómhair).

Rannán (c): Íocaíocht cnapshuime

Féadfaidh sé gur thug tú íocaíocht cnapshuime do d'fhostaí nuair a d'fhág siad d'fhostaíocht. Más amhlaidh, cuir isteach an tsuim incháinithe anseo. Ba chóir an figiúr seo a bheith ináirithe san fhigiúr(figiúirí) pá i gcodanna (a) agus, nó (b) thuas.

Ar aghaidh: Na rannáin um an Muirear Sóisialach Uilíoch (MSU) agus Árachas Sóisialach Pá-Choibhneasa (ÁSPC) ar an P45 a chomhlánú

Foilsithe: 11 Meán Fómhair 2019 Priontáil an leathanach seo

Leathanach baile Ar ais go barr