CervicalCheck payments
Tá roinnt díolúintí cánach ann i leith íocaíochtaí áirithe do mhná a tháining faoi thionchar na dteipeanna sa chlár scagthástála náisiúnta CervicalCheck. D'fhógair an tAire Airgeadais na díolúintí seo i mBuiséad 2024. Tá an reachtaíocht seo ar fáil in:
- Alt 205C den Acht Comhdhlúite Cánacha 1997
- agus
- Alt 82(1) den Acht Comhdhlúite Cánach Fáltas Caipitiúil, 2003.
Áirítear leis na díolúintí, íocaíochtaí áirithe a dhéantar ó:
- an Scéim neamhnochta ex-gratia CervicalCheck
- an tAcht fán mBinse um CervicalCheck 2019
- agus
- éilimh a tugadh chun críche trí shocrú nó ordú cúirte.
An Aonad na gCásanna Íogaire (SCU) ag na Coimisinéirí Ioncaim chun tacaíocht faoi rún a thabhairt do dhaoine a fuair íocaíochtaí ó na faoinsí seo. Is féidir leis an SCU na tacaíochtaí seo a leanas a sholáthar:
- Cúnamh speisialtóra le tuairisceáin chánach a thíolacadh
- Tacaíocht le faoiseamh nó aisaíocaíochtaí a éileamh
- agus
- Seirbhís dhíreach theileafóin.
Teagmháil leis an SCU
An bealach is éasca agus is sláine le do chúrsaí cánach a bhainistiú ná trí moChúrsaí nó trí Sheirbhís ar Líne na gCoimisinéirí Ioncaim.
ButtonLink
ButtonLink
Nuair a bheidh tú sínithe isteach ar moChúrsaí nó ROS, féadtar d'fhiosrú a chur isteach go díreach chuig an SCU tríd M’Fhiosruithe.
Chun a chinntiú go n-imeoidh d'fhiosrúchán díreach chuig an SCU, cuir an seoladh ríomhphoist seo san áireamh sa rannán Faoi bhráid - cervicalcheck@revenue.ie.
De rogha air sin, is féidir dul i dteagmháil leis an SCU chomh maith trí phost nó ar an bhfón leis na sonraí thíos.
Seoladh poist
Na Coimisinéirí Ioncaim,Bosca Oifige Poist 13274,Leitir Ceanainn,Co. Dhún na nGall
Uimhir fóin
074 9169494
Seimineár gréasáin
Tá cur i láthair taifeadta ag na Coimisinéirí Ioncaim chun míniú a thabhairt ar na díolúintí atá ar fáil agus ar an gcaoi le leas a bhaint astu. Féadtar an cur i láthair CervicalCheck a íoslódáil.