Íocaíochtaí CervicalCheck

Teorainn ama ar éilimh aisíocaíochta

Tá teorainneacha ama socraithe i bhfeidhm chun aisíocaíocht cánach a éileamh. Cuireadh síneadh leis na teorainneacha ama seo do mhná ábhartha.

Cáin Ioncaim agus Cáin Gnóthachan Caipitiúil (CGC)

Tá íocaíochtaí ábhartha a dhéantar le haon bhean ábhartha ó 2008 i leith díolmhaithe ó na nithe seo a leanas:

• Cáin Ioncaim
• CGC
• Cáin Choinneála ar Ús Taisce (CCÚT)
• agus
• Cáin Scuchta.

Is amhlaidh an cás toisc gurb í 2008 an bhliain ar cuireadh tús leis an gclár scagthástála náisiúnta CervicalCheck. Is féidir le daoine aonair ar bronnadh íocaíocht ábhartha orthu éileamh a dhéanamh ar aisíocaíocht maidir le haon Cháin Ioncaim nó CGC a íocadh ar na híocaíochtaí sin ó 2008 i leith.

Is é an 31 Nollaig an spriocdháta chun aisíocaíocht chánach a fháil do na blianta 2008 go 2020 Tá feidhm leis an teorainn ama ceithre bliana ón mbliain chánach 2021 ar aghaidh.

Cáin Fáltas Caipitiúil (CFC)

Baineann na díolúintí le haghaidh CFC  le haon íocaíocht ábhartha a fhaightear faoin Scéim neamhnochta ex-gratia CervicalCheck ó 2019 i leith. Is mar seo atá toisc gurb í 2019 an bhliain a cheadaigh an Rialtas téarmaí na Scéime seo. Is féidir le daoine aonair ar bronnadh íocaíocht ábhartha orthu aisíocaíocht aon CFC a íocadh ar na híocaíochtaí sin a éileamh.

Is é an 31 Nollaig an spriocdháta chun aisíocaíocht chánach a fháil do na blianta 2019 go 2020. Tá feidhm leis an teorainn ama ceithre bliana ón mbliain chánach 2021 ar aghaidh.

Chun tuilleadh eolais a fháil ar íocaíochtaí ábhartha agus ar an sainmhíniú ar bhean ábhartha, féach Tax and Duty Manual Part 07-01-23B.

Ar aghaidh: Conas teagmháil a dhéanamh leis an SCU agus tacaíocht a fháil