Cláraigh le haghaidh an Mhionionaid Uileghnó CBL (CBL MOSS)
Leis an tseirbhís clárúcháin CBL MOSS ar líne, féadann gnóthais clárú le haghaidh CBL MOSS ar líne.
Féadann gnóthais AE a sonraí clárúcháin a chur isteach faoin gcluaisín ‘Mo Sheirbhísí Féin’ ina gcuntas Sheirbhís ar Líne na gCoimisinéirí Ioncaim (ROS).
Féadann gnóthais neamh-AE cur isteach ar an scéim neamh-Aontais leis an bhfoirm iarratais ar líne seo.
Cé dó an tseirbhís seo?
Tá an tseirbhís seo ann do ghnóthais a sholáthraíonn seirbhísí teileachumarsáide, craolacháin nó ríomhsheirbhísí (TBE) do dhaoine neamh-incháinithe i mBallstáit AE nach bhfuil siad bunaithe iontu.
Tá dhá scéim sa scéim CBL MOSS:
- Is do dhaoine incháinithe a bhfuil bunaíocht laistigh den Aontas Eorpach (AE) acu scéim an Aontais, ach go bhfuil siad ag déanamh soláthairtí go Ballstáit nach bhfuil bunaíocht acu iontu.
- Is do dhaoine incháinithe nach bhfuil bunaíocht laistigh den AE acu an scéim neamh-Aontais.
An méid a theastaíonn chun an tseirbhís a úsáid
Chun an tseirbhís a úsáid, is gá an méid seo a leanas a bheith agat:
- ainm an chuideachta
- seoladh
- URL an tsuímh idirlín
- ainm cuntais bainc
- tír bunúis an chuntais bainc
- Uimhir Idirnáisiúnta Cuntais Bainc (IBAN)
- Cód Aitheantais Bainc (BIC)
- ainm
- suíomh an chomhlachta
- uimhir theileafóin
- seoladh ríomhphoist
- eolas teagmhála tánaisteach
- Uimhir Tagartha Cánach.
Cén chaoi le teacht ar an tseirbhís
Féadtar teacht ar an tseirbhís trí ROS, ach na céimeanna seo a leanúint:
- Cliceáil ar an gcluaisín ‘Mo Sheirbhísí Féin’ ón bpríomh-roghchlár ROS.
- Ón rannán ‘Seirbhísí Eile’, roghnaigh ‘CBL MOSS’.