DAT d'úinéirí tí agus tiarnaí talún
Luach an Chreidmheasa Chánach DAT
Chun cáiliú don Chreidmheas Cánach i leith na Dreasachta Athchóirithe Tí (DAT), ní mór €4,405 ar a laghad a bheith caite agat ar gach maoin incháilithe. Is figiúr roimh Cháin Bhreisluacha (CBL) ag 13.5% é seo. Féadfaidh an costas iomlán seo a bheith i gceist i leith jab amháin nó níos mó ar an maoin. Féadfaidh sé a bheith déanta ag conraitheoir cáilitheach amháin nó níos mó. Gach obair a ndéanann tú éileamh ina leith, ní mór é a bheith déanta agus a bheith íoctha laistigh de thréimhse ama incheadaithe na dreasachta.
Féadtar an Creidmheas Cánach DAT a éileamh suas le huasmhéid €30,000 de do chostas iomlán. Is figiúr roimh CBL ag 13.5% é seo. Féadfaidh sé go mbeidh níos mó ná seo caite agat ar an obair ar do mhaoin. Más ea, ní chuirfear san áireamh an méid os cionn €30,000.
Féadfaidh sé go bhfuil maoin cíosa aonair agat atá tiontaithe isteach ina haonaid chíosa. Caitear le gach aon cheann de na haonaid seo ar leithligh i leith DAT. Baineann an t-uasmhéid €30,000, roimh CBL ag 13.5%, le gach aon cheann de na haonaid aonair cíosa seo.
Cé mhéad atá ar an gcreidmheas cánach DAT?
Braitheann méid an chreidmheasa DAT ar an méid seo a leanas:
- an tsuim a chaith tú ar oibreacha incháilithe
- aon deontas, éileamh árachais nó cúitimh a fhéadfaidh sé go bhfaigheann tú i rith thréimhse cheadaithe na dreasachta.
Mura bhfuil aon deontas, éileamh árachais nó cúitimh ann, is é an méid creidmheasa cánach is ísle i leith maoine ná €595 (€4,405 x 13.5%). Is é an méid creidmheasa cánach is airde ná €4,050 (€30,000 x 13.5%).
Íocaíocht deontais
Má fhaigheann tú deontas i leith obair cháilitheach, laghdófar an caiteachas cáilitheach iomlán laghdaithe faoi thrí huaire mhéid an deontais. Mar shampla deontas inslithe ón Údarás Fuinnimh Inmharthana na hÉireann (SEAI).
- Sampla 1
D’íoc Caitríona €10,000 (CBL @ 13.5% san áireamh) as insliú ballaí seachtracha.
Fuair sí deontas €2,700 ón SEAI.
Ríomhtar an faoiseamh ar caiteachas cáilitheach mar seo a leanas:
Ríomhtar an faoiseamh ar caiteachas cáilitheach mar seo a leanas:
|
Méid a chaith Caitríona ar obair cháilitheach
(CBL ag 13.5% san áireamh)
|
|
€10,000
|
|
Laghdaithe faoi trí oiread an deontas SEAI faighte
|
€2,700 x 3
|
€8,100
|
|
Caiteachas cáilithe
(CBL ag 13.5% san áireamh)
|
|
€1,900
|
|
Caiteachas cáilitheach iomlán
(méid gan CBL)
|
€1,900 x100/113.5
|
€1,674
|
|
Creidmheas cánach iomlán a fhaigheas Caitríona
|
€1,674 x 13.5%
|
€226
|
Éilimh árachais agus nó cúitimh
Laghdaítear do chaiteachas cáilitheach iomlán faoi mhéid aon íocaíochta árachais nó cúitimh a fhéadfaidh tú a fháil.
- Sampla 2
D’íoc Seosamh €8,000 (CBL ag 13.5% san áireamh) as seomra folctha a sholáthar agus a fheistiú. Rinne Seosamh éileamh lena chomhlacht árachais agus dámhadh íocaíocht €2,000 air.
Ríomhtar an faoiseamh i leith caiteachas cáilitheach mar seo a leanas:
Ríomhtar an faoiseamh ar caiteachas cáilitheach mar seo a leanas:
|
Méid a chaith Seosamh ar obair cháilitheach
(CBL ag 13.5% san áireamh)
|
|
€8,000
|
|
Lúide an íocaíocht árachais faighte
|
|
€2,000
|
|
Caiteachas cáilithe
(CBL ag 13.5% san áireamh)
|
|
€6,000
|
|
Caiteachas cáilitheach iomlán
(amount without VAT)
|
€6,000 x 100/113.5
|
€5,286
|
|
Creidmheas cánach iomlán a fhaigheas Seosamh
|
€5,286 x 13.5%
|
€714
|
Ar aghaidh: Conraitheoir a roghnú don Dreasacht Athchóirithe Tí