Baile   Cáin Bhreisluacha (CBL)   CBL ar mhaoin agus tógáil  

Maoine idirthréimhseacha – saorsheilbh nó leasanna saorsheilbhe coibhéiseacha coinnithe roimh 1 Iúil 2008.

  1. Léargas ginearálta
  2. Cén uair a bhíonn soláthar maoine idirthréimhseacha incháinithe?
  3. Céard a tharlaíonn má dhéantar a thuilleadh forbartha ar 1 Iúil 2008 nó dá éis?
  4. Scéim Earraí Caipitiúla (SEC)

Cén uair a bhíonn soláthar maoine idirthréimhseacha incháinithe?

Céard é an cánachas nuair a bhí díoltóir i dteideal CBL a éileamh ar ais a tabhaíodh ar fháltas nó forbairt na maoine?

Tá an cánachas Cánach Breisluacha (CBL) do sholáthar na maoine mar an gcéanna leis an gcánachas a fheidhmítear ar mhaoine a críochnaíodh ar 1 Iúil 2008 nó dá éis.

Nuair a mheastar an mhaoin a bheith nua, tá soláthar na maoine incháinithe. Is é an tsuim incháinithe an chomaoin iomlán don soláthar.

Nuair a sholáthraítear an mhaoin nuair nach meastar í a bheith nua a thuilleadh, tá an soláthar díolmhaithe ó CBL. Féadfaidh an díoltóir agus an ceannaitheoir, áfach, comhroghnú cáin a ghearradh ar an soláthar más daoine incháinithe iad araon ag seoladh gnó sa Stát. Nuair a fheidhmítear an rogha cáin a ghearradh, ní mór don cheannaitheoir cuntas a thabhairt ar an CBL don soláthar ar bhonn frithmhuirir.

  • Sampla

    Thóg ABC Teoranta trádstórais ar a shon in 2006 ar €1,000,000 móide CBL €135,000. Críochnaíodh an obair forbartha ar 6 Lúnasa 2006. Rinne ABC Teoranta an CBL seo uile a éileamh ar ais agus lean lena ghnó trádstórais a sheoladh ón áitreabh. Bhí an trádstóras fós coinnithe ar 1 Iúil 2008 agus ní dhearnadh aon fhorbairt air ó rinneadh an fáltas.

    Ar 3 Feabhra 2009, díolann ABC Teoranta an trádstóras ar €1,500,000. Ós rud é go raibh ABC Teoranta i dteideal CBL a éileamh ar ais ar fháltas na maoine agus gurb é an chéad uair a díoladh maoin laistigh de chúig bliana óna chríochnú, tá an díol incháinithe.

Céard é an cánachas nuair nach raibh díoltóir i dteideal CBL a éileamh ar ais a tabhaíodh ar fháltas nó forbairt na maoine?

Tá soláthar na maoine ar 1 Iúil 2008 nó dá éis díolmhaithe ó CBL. Féadfaidh an díoltóir agus an ceannaitheoir, áfach, comhroghnú cáin a ghearradh ar an soláthar má tá an dá pháirtí araon ag seoladh gnó sa Stát.

Nuair a fheidhmítear an rogha cáin a ghearradh, ní mór don cheannaitheoir cuntas a thabhairt ar an CBL don soláthar ar bhonn frithmhuirir.

Ar aghaidh: Céard a tharlaíonn má dhéantar a thuilleadh forbartha ar 1 Iúil 2008 nó dá éis?

Foilsithe: 17 Nollaig 2018 Priontáil an leathanach seo

Leathanach baile Ar ais go barr