Bearta in aghaidh chreimeadh an bhoinn agus aistriú brabúis (BEPS)
Colún a Dó
Céard iad rialacha Cholún a Dó?
Foráiltear leis an Treoir Íosta Cánach do chur chun feidhme ar fud an Aontais Eorpaigh (AE) Colún a Dó de réiteach Dhá Cholún na hEagraíochta um Chomhar agus Forbairt Eacnamaíochta (ECFE). I measc rialacha Cholún a Dó tá Riail um Chuimsiú Ioncaim (IIR) agus Riail um Bhrabúis Gearrcháin (UTPR). Foráiltear le rialacha Cholún a Dó go ngearrtar cáin ar ioncam grúpaí móra ag íosráta éifeachtach cánach de 15% ar bhonn dlínse
Forálann an reachtaíocht i gCuid 4A den Acht Comhdhlúite Cánacha, 1997 do thrí cháin:
- Cáin bhreisithe ar RCI
- Cáin bhreisithe na RÍFTC
- agus
- breisiú cánach náisiúnta.
Céard atá i gceist le cáin bhreisiúcháin an RCI?
Is í an riail maidir le cáin bhreisiúcháin an RCI an phríomhriail chánach. Éilíonn sé ar mháthaireintiteas deiridh grúpa a chinneadh an raibh ráta cánach éifeachtach 15% ag na heintitis ina ghrúpa. Ríomhtar é seo ar bhonn dlínse do gach dlínse ina bhfuil na heintitis sin lonnaithe.
Má tá an ráta cánach éifeachtach faoi bhun an íosráta, íocfaidh an máthaireintiteas méid breise cánach. Is é an cuspóir leibhéal foriomlán an chánachais i ndáil leis an dlínse sin a mhéadú chun an ráta cánach éifeachtach a thabhairt go 15%.
Tá rialacha speisialta ann maidir le máthaireintitis idirmheánacha agus máthaireintitis faoi úinéireacht pháirteach agus eisiaimh áirithe.
Tagann cáin bhreisithe IIR i bhfeidhm do bhlianta fioscacha dar tús an 31 Nollaig 2023 nó dá éis.
Céard atá i gceist le cáin bhreisiúcháin an RÍFTC?
Is riail thánaisteach chánach í an riail maidir le cáin bhreisiúcháin an RÍFTC atá deartha chun feidhmiú mar chúlstop do cháin bhreiaiúcháin RCI. Áirithítear leis go leithdháiltear cáin bhreisiúcháin ar ghrúpeintitis i ndlínsí cur chun feidhme. Féadfaidh an cháin a bheith i bhfeidhm mura bhfuil máthairchuideachta ag grúpa i ndlínse a chuir Colún a Dó i bhfeidhm.
Tagann RÍFTC i bhfeidhm do bhlianta fioscacha dar tús an 31 Nollaig 2024 nó dá éis. Tá cúinsí teoranta áirithe ann ina bhféadfadh sé feidhmiú ar an 31 Nollaig 2023 nó dá éis.
Céard atá i gceist leis an mbreisiú cánach náisiúnta?
Ceadaíonn breisiú cánach náisiúnta do dhlínsí aon cháin bhreisiúcháin atá dlite ó eintitis intíre a bhailiú sula gcuirtear cáin bhreisiúcháin RCI nó RÍFTC i bhfeidhm. Tá sé in-chreidiúnaithe i gcoinne aon dliteanas cánach breisiúcháin RCI nó RÍFTC. Féadfaidh sé nach mbeidh feidhm ag cáin bhreisiúcháin RCI nó RÍFTC maidir le heintitis intíre i gcás ina ndeonaíonn an ECFE stádas Cuain Shábháilte don cháin bhreisithe baile.
Tá breisiú cánach náisiúnta tugtha isteach ag Éirinn a thiocfaidh i bhfeidhm do bhlianta fioscacha dar tús an 31 Nollaig 2023 nó dá éis.
Céard iad na heintitis atá laistigh de raon feidhme na reachtaíochta?
Tá feidhm ag na rialacha maidir le grúpaí Fiontar Ilnáisiúnta nó grúpaí intíre ar mhórscála. Tá feidhm ag na rialacha seo sa chás gur mó ioncam an ghrúpa ná €750m in dhá cheann de na ceithre bliana fioscacha roimhe sin. Chun críche an bhreisithe cánach náisiúnta, leathnaíonn Cuid 4A na rialacha chuig eintitis neamhspleácha a chomhlíonann an tairseach ioncaim. Tá eintitis áirithe, ar a dtugtar eintitis eisiata, lasmuigh de raon feidhme na rialacha.
Riachtanais riaracháin
Tá obair ar bun chun treoir na gCoimisinéirí Ioncaim a chur ar fáil a dhéileálfaidh le riachtanais riaracháin. Déanfar é seo a nuashonrú in am trátha.
Tabhair do d'aire
Le Cuid 4A den Acht Comhdhlúite Cánacha, 1997, trasuitear Rialachán (AE) 2022/2523 ón gComhairle an 15 Nollaig 2022 maidir le híosleibhéal domhanda cánachais a áirithiú do ghrúpaí fiontar ilnáisiúnta agus do ghrúpaí intíre mórscála san Aontas Eorpach.