Revenue appointment service

Réitítear an chuid is mó d’fhiosruithe go héasca trínár seirbhís slán ROS agus, nó M'Fhiosruithe a úsáid nó trí theagmháil a dhéanamh le línte fóin tiomnaithe na gCoimisinéirí Ioncaim. Chun teacht ar na sonraí teagmhála cearta le haghaidh do cheist, féadtar an limistéar cuí ón liosta a roghnú inár rannán Déan teagmháil linn.

Má tá ceist thar a bheith casta agat, áfach, nach féidir a réiteach trí M'Fhiosruithe nó thar ár línte fóin, tá seirbhís coinne ar fáil. Tá roinnt cineálacha coinní ar fáil do chustaiméirí na gCoimisinéirí Ioncaim.

Coinní i bpearsa

Tá coinní i bpearsa ar fáil inár gceithre oifig phoiblí, Baile Átha Cliath, Corcaigh, Gaillimh agus Luimneach.

Chun coinne i bpearsa a chur in áirithe, ní mór duit:

• Glaoch a chur ar ár Seirbhís Coinne Náisiúnta ar an uimhir fóin thíos
• am agus dáta oiriúnach a dheimhniú
• agus
• freastal ar an oifig shonraithe ar an dáta agus ag an t-am comhaontaithe.

Coinní fíorúla

Féadtar coinne fhíorúil a chur in áirithe a dhéantar trí Microsoft (MS) Teams:

Chun coinne fhíorúil a chur in áirithe, ní mór duit:

• Glaoch a chur ar ár Seirbhís Coinne Náisiúnta ar an uimhir fóin thíos
• agus
• am agus dáta oiriúnach a dheimhniú.

Seolfar nasc don choinne MS Teams chugat ansin chun freastal ar an gcoinne seo go fíorúil. Ní mór duit seoladh ríomhphoist pearsanta a bheith agat chun an nasc don choinne MS Teams a fháil Ní mór duit gléas le ceamara agus micreafón a bheith agat freisin ar nós fón cliste nó ríomhaire glúine a bhfuil ceangal gníomhach idirlín aige.

Tabhair do d’aire

Toisc gur seirbhís shruthach sonraí, féadfaidh sé go ngearrfaidh d’oibreoir bille ort ag brath ar do phacáiste sonraí.

Má úsáideann tú fón cliste nó táibléad - ní mór duit an aip MS Teams a íoslódáil roimh do choinne sceidealaithe. Tá an aip le fáil saor in aisce ar an Apple App Store nó ón Google Play Store.

Má úsáideann tú ríomhaire glúine nó ríomhaire, féadtar freastal ar an choinne trí bhrabhsálaí gréasáin ag baint úsáid as an nasc a chuirtear ar fáil duit.

Coinní fíorúla san oifig

Mura bhfuil rochtain agat ar ghléas le ceamara agus micreafón nó ceangal gníomhach idirlín, féadtar coinne fhíorúil san oifig a chur in áirithe. Féadtar freastal ar choinní fíorúla san oifig in oifigí na gCoimisinéirí Ioncaim i dTrá Lí nó i Leitir Ceanainn.

Chun coinne fhíorúil san oifig a chur in áirithe, ní mór duit:

• glaoch a chur ar ár Seirbhís Coinne Náisiúnta ar an uimhir fóin thíos
• am agus dáta oiriúnach a dheimhniú
• agus
• freastal ar an oifig shonraithe ar an dáta agus ag an t-am comhaontaithe.

Seirbhís Coinne Náisiúnta

Chun coinne a dhéanamh, féadtar teagmháil a dhéanamh leis an tSeirbhís Coinne Náisiúnta ar 01 7383660. Is iad uaireanta oscailte an líne coinne ná 09.30 go 13.30, Luan go hAoine.