Fochonraitheoirí CCI
Impleachtaí maidir le eWHT
- Más fochonraitheoir CCI thú fao láthair, beidh tú anois i do Dhuine Sonraithe (SP).
- Beidh an té atá Ainmnithe i leith Siarchoinneáil (DW) (a bhí ina phríomhchonraitheoir roimhe seo) ag feidhmiú eWHT ar íocaíocht a dhéantar leat.
- Ní bheidh an córas CCI ag feidhmiú a thuilleadh.
- Ní bheidh feidhm a thuilleadh ag na trí ráta CCI atá ann faoi láthair - 0%, 20% agus 35%. In ionad sin beidh:
- Ráta Asbhainte Pearsanaithe (PDR) le haghaidh íocaíochtaí le daoine aonair
- agus
- ráta comhréidh asbhainte níos ísle le haghaidh íocaíochtaí le corparáidí, páirtnéireachtaí nó eintitis eile.
- Leanfaidh Fógraí Conartha de bheith riachtanach do chonarthaí san earnáil tógála amháin. Ní bheidh gá leo a thuilleadh le haghaidh conarthaí sna hearnálacha feola agus foraoiseachta.
- Beidh do DW agus na Coimisinéirí Ioncaim ag cumarsáid i bhfíor-am faoi do chuid íocaíochtaí agus faoin ráta cánach iarchoimeádta atá le cur i bhfeidhm.
- Cuirfear an cháin a choinnítear siar chun sochair chuig do chuntas cánach ioncaim/cánach corparáide.
- Beidh tú in ann faisnéis faoi d'ioncam agus do chostais eile a chur ar fáil do na Coimisinéirí Ioncaim. Cé go bhfuil sé roghnach, cuirfidh tuairisciú feabhas ar chruinneas do PDR. Dá mhéad do rannpháirtíocht, is ea is cruinne a bheidh do PDR.
Roinnt cinnteachtaí
- Beidh eWHT i bhfeidhm don raon céanna fochonraitheoirí agus atá CCI faoi láthair.
- Beidh eWHT i bhfeidhm don raon céanna seirbhísí agus atá CCI faoi láthair.
- Leanfaidh go leor gnéithe den chóras reatha CCI, m.sh. fógraí conartha, fógraí íocaíochta agus údarais asbhainte de bheith mar chuid thábhachtach de eWHT.
- Ní bheidh gá a thuilleadh le fógraí conartha sna hearnálacha feola agus foraoiseachta.
- Beidh gníomhairí cánach atá ag gníomhú thar ceann fhochonraitheoirí in ann leanúint ar aghaidh ag gníomhú thar a gceann sa chóras nua.
Buntáistí
- Má chomhtháthaítear cáin leis an gcaoi a n-íoctar tú, méadófar cruinneas na sonraí, laghdófar earráidí agus laghdófar an t-antró duit.
- Beidh sé níos éasca duit do chánacha a bhainistiú de bharr cruinneas feabhsaithe sonraí.
- Beidh do thuairisceáin cánach ioncaim níos simplí, réamhlíonfaidh muid é leis an bhfaisnéis atá againn.
- Maidir le daoine aonair, ciallaíonn PDR go mbeidh an ráta a chuirfear i bhfeidhm ar d'íocaíochtaí uathúil duit féin agus oiriúnaithe do do chúinsí. Beidh sé seo níos ábhartha do do sheasamh deiridh cánach ná an ráta sraithe atá ann faoi láthair.
- Cabhróidh PDR leat íoc mar a thuilleann tú agus laghdóidh sé nó cuirfidh sé deireadh le híocaíochtaí cnapshuime reamhchánach.
- Beidh tú in ann cur le PDR níos cruinne trí rannpháirtaíocht a dhéanamh leis na Coimisinéirí Ioncaim.
- Maidir le cuideachtaí/páirtnéireachtaí agus eintitis eile, beidh ráta comhréidh asbhainte níos ísle nua amháin i bhfeidhm. Tabharfaidh sé seo deis do chuid acu íoc de réir mar a thuilltear. Cuirfidh sé seo deireadh leis na rátaí asbhainte díréireach atá i bhfeidhm do chuid eile.
- Cabhróidh an córas nua leis an ualach riaracháin a bhaineann leis an bpróiseas féinmheasúnaithe a laghdú.
- Beidh rochtain i bhfíor-am agat ar an bhfaisnéis atá ag na Coimisinéirí Ioncaim faoi d'ioncam agus do chostais.
Ba mhaith linn d'aiseolas a fháil faoin méid atá molta againn.