Aisíocaíochtaí cánach le linn COVID-19
Tráthíocaíochtaí Creidmheasanna Cánach Taighde agus Forbartha barrachais a bhrostú
De ghnáth, baineann an méid seo a leanas le creidmheasanna cánach Taighde agus Forbartha (T&F) barrachais:
- íoctar iad i dtrí thráthíocaíocht
- ní íoctar iad níos luaithe ná spriocdháta íoca agus tíolactha na Cánach Corparáide inar tabhaíodh an caiteachas
Mar gheall ar chúinsí eisceachtúla na paindéime COVID-19, bhrostaigh na Coimisinéirí Ioncaim íocaíocht tráthíocaíochta na creidmeasa cánach T&F 2021 barrachais.
I gcásanna roghnaithe, bhí an íocaíocht faoi réir na seiceálacha cuí.
Cén chaoi le híocaíochtaí a bhrostú a iarraidh
Le híocaíocht na gcreidmheasanna barrachais a éascú, ní mór an fhoirm CT1 a bheith tíolactha, ag tráth an iarratais do thréimhse chuntasaíochta na cuideachta dar críoch:
- in 2020
- agus
- suas le mí an Mhárta 2021.
Déan iarratas ar thráthíocaíochtaí na cánach T&F barrachais a bhrostú trí M’Fhiosruithe in Seirbhís ar Líne na gCoimisinéirí Ioncaim (ROS). Chun é seo a dhéanamh:
- cliceáil ar ‘Cuir fiosrú nua leis’
- roghnaigh ‘Cáin Chorparáide’ ón roghchlár 'Baineann m’fhiosrú le'
- roghnaigh ‘tráthíocaíochtaí T&F iníoctha in 2020 agus 2021’ ón roghchlár ‘Agus níos beaichte’
- cuir isteach téacs d’fhiosraithe sa bhosca ‘Sonraí an Fhiosraithe’
- cuir faisnéis nó doiciméid tacaíochta leis má iarrtar é trí ‘Cuir comhaid leis’ a roghnú
- cliceáil ar tíolaic.
Ar aghaidh: Aisíocaíochtaí préimheanna árachais cúraim leighis