Fuinneog Aonair Custam/CERTEX

Léargas ginearálta

Tá an Fhuinneog Aonair Custam (FA)/CERTEX deartha chun scaoileadh níos éifeachtúla a sholáthar ar earraí áirithe ag teorainn an Aontais Eorpaigh. Baintear é seo amach trí shonraí a roinnt go leictreonach idir gníomhaireachtaí rialtais.

In Éirinn, is iad na gníomhaireachtaí rialtais ábhartha ná:

• Na Coimisinéirí Ioncaim
• an Roinn Talmhaíochta, Bia agus Mara (RTBM)
• Feidhmeannacht na Seirbhíse Sláinte (FSS)
• agus
• an Gníomhaireacht um Chaomhnú Comhshaoil (GCC).

Tá an FA Custam/CERTEX ag feidhmiú in Éirinn ó 2015. Cuireadh an céim is deireanaí den FA i bhfeidhm ar an 28 Feabhra 2023.

Cé a bhaineann leas as an gcéim is déanaí seo den Fhuinneog Aonair Custam/CERTEX?

Na gnóthaí sin a iompórtálann earraí lena dteastaíonn na deimhnithe seo a leanas:

• Doiciméad Choiteanna Iontrála Sláinte (DCI)
• Deimhniú Cigireachta le haghaidh Comhréireacht Orgánach (DC).

Cad iad na hathruithe a tugadh isteach?

Leis an gcéim seo, tugadh isteach meaitseáil leictreonach de na sonraí a leanas arna ndearbhú ar an dearbhú iompórtála custam, agus an DCIS/DC gaolmhar:

• Uimhir thagartha deimhnithe
• Cód AC (suas go dtí 8 ndigit)
• Mais ghlan nó aonaid fhorlíontacha.

Tá tuilleadh sonraí faoin gcaoi a n-oibríonn an córas ar fáil in Fuinneog Aonair Custam/CERTEX.

Céard is gá do do ghnó a dhéanamh chun leas a bhaint as an athrú seo?

Tóg céimeanna anois le cinntiú go dtiocfadh na sonraí ar an dearbhú iompórtála go díreach leis an méid atá ar an DCIS/DC ábhartha. Leis seo, teastóidh cumarsáid idir an páirtí atá ag comhlánú an dearbhú custam agus an páirtí atá ag comhlánú an DCIS/DC ábhartha. Féadfaidh neamhréireachtaí sonraí moill shuntasach a chur ar imréiteach d’earraí.

An gcuirfear teastais agus ceadúnais bhreise leis?

Seolfar an chéad chéim eile in 2025 agus lena n-áireofar ceadúnais iompórtála le haghaidh:

• Substaintí Ídithe Ózóin (ODS)
• Gáis Cheaptha Teasa Fluairínithe
• earraí cultúir
• agus
• ráiteas an iompórtálaí i leith earraí cultúir.

Tabhair do d'aire

Nuashonrófar an leathanach seo le faisnéis bhreise agus muid ag druidim le dáta cur chun feidhme do gach céim den FA.

Tuilleadh eolais

Má tá ceisteanna ar leith agat, féadfaidh tú teagmháil a dhéanamh le haon cheann de na seolta ríomhphoist a leanas, agus Fuinneog Aonair/CERTEX a chur isteach i líne an ábhair:

Na Coimisinéirí Ioncaim: ecustoms@revenue.ie 
DAFM:                                importcontrols@agriculture.gov.ie
HSE:                                   importcontroldublin@hse.ie
                                           importcontrolrosslare@hse.ie 

An Ghníomhaireacht um Chaomhnú Comhshaoil (GCC) : fgases@epa.ie