Córas Nua Ríomhchuidithe Idirthurais - Céim 6 (NCTS P6)
Ní mór do na Ballstáit uile an chéad chéim eile den chóras idirthurais CNRI-C6 a chur i bhfeidhm faoin 1 Meán Fómhair 2025. Cinntíonn CNRI-C6 go gcomhlíonann ár gcóras leictreonach um dhearbhú idirthurais na riachtanais dhlíthiúla atá reachtaithe i gCód Custam an Aontais (CCA).
Tá na Coimisinéirí Ioncaim ag déanamh athruithe inmheánacha ar CNRI-C5 chun é a ailíniú le CNRI-C6 ón 1 Meán Fómhair 2025. Ní bheidh athruithe mar thoradh air seo do thrádálaithe agus dá gcórais bogearraí.
Inár gcóras CNRI-C6 (cosúil lenár gcóras CNRI-C5), ní féidir sonraí sábháilteachta agus slándála an Dearbhuithe Iontrála Achomair (ENS) a chur san áireamh sa dearbhú idirthurais. Ní mór ENS ar leith a thaisceadh sa Chóras Rialaithe Iompórtálacha (ICS).
Déanfar tuilleadh nuashonruithe CNRI chun an córas a chur ar aon dul leis na sonraíochtaí is déanaí de chuid an Aontais Eorpaigh (AE) i mí an Mhárta 2026, chun comhoiriúnacht iomlán leanúnach a chinntiú. Beidh ar thrádálaithe a gcórais a nuashonrú i mí an Mhárta 2026 chun alíniú a dhéanamh leis na nuashonruithe seo.
Ón 24 Márta 2026, más mian leat dearbhuithe idirthurais a thíolacadh in CNRI-C6, ní mór do do chóras a bheith comhoiriúnach le sonraíochtaí CNRI-C6
Dátaí tábhachtacha
Ba chóir do thrádálaithe agus do sholáthraithe bogearraí na dátaí seo a leanas a nótáil:
- Sonraíochtaí Trádálaí foilsithe - 24 Meán Fómhair 2025
- Tástáil Comhéadan Poiblí (PIT) ar fáil d'fhorbróirí bogearraí – 24 Meán Fómhair 2025
- Ag dul beo - 24 Márta 2026.
Treoracha NCTS-P6 do thrádálaithe
Tá eolas do sholáthraithe agus thrádálaithe bogearraí ar an gcaoi le córais Theicneolaíochta Faisnéise (TF) a shocrú suas le fáil i dTreoracha CNRI-C6 do thrádalaithe.