Tuairisciú Custam do shoithí agus aerárthaigh

Cé is gá tuairisciú a dhéanamh?

Ní mór do mháistir an tsoithigh nó don phíolóta i gceannas ar an aerárthach tuairisciú leictreonach a dhéanamh do na Coimisinéirí Ioncaim maidir lena dteacht isteach nó fágáil, má tá earraí den chineál seo á n-iompar acu:

• nár scaoileadh le haghaidh saorchúrsaíocht taobh den Aontas Eorpach (AE)
• nó
• atá faoi réir aon toirmeasc nó srian ar a n-iompórtáil nó a n-easpórtáil.

Cé na tuairiscí a theastaíonn?

Sonraítear sna hionstraimí reachtúla seo a leanas na tuairiscí a theastaíonn ó mháistir soithigh nó ón bpíolóta i gceannas ar aerárthach:

• S.I. No. 612 of 2016 - Customs (Reports Inwards and Outwards by Vessels) Regulations 2016
• S.I. No. 613 of 2016 - Customs (Reports Inwards and Outwards by Aircraft) Regulations 2016

An bhfuil faisnéis den chineál céanna á tuairisciú agat do na Coimisinéirí Ioncaim nó do ghníomhaireachtaí eile rialtais cheana féin?

Má tá faisnéis den chineál céanna, i ndáil le soitheach nó aerárthach, á tuairisciú agat cheana féin:

• do na Coimisinéirí Ioncaim
• nó
• do ghníomhaireacht eile rialtais

níl ort tuairisc ar leithligh faoin ionstraim sin a thíolacadh do na Coimisinéirí Ioncaim.

D’fhéadfadh faisnéis den chineál céanna a bheith san áireamh, mar shampla, tuairiscí faoi SafeSeasIreland nó faisnéis faoi Alt 97 den Acht Airgeadais 2010.

Cén chaoi le tuairisc a thíolacadh do na Coimisinéirí Ioncaim

Féadann custaiméirí ÍMAT teacht ar M’Fhiosruithe trí moChúrsaí.

Féadann custaiméirí gnó teacht ar M’Fhiosruithe trí Sheirbhís ar Líne na gCoimisinéirí Ioncaim (ROS).

Tá roinnt custaiméirí ann nach bhfuil in ann teacht ar M’Fhiosruithe trí moChúrsaí ná ROS. Folaíonn siad seo:

• neamh-chónaitheoirí nach bhfuil cláraithe le haghaidh cánach sa Stát
• agus
• gníomhairí atá ag gníomhú thar ceann a gcliant, ach nach bhfuil Uimhir Aitheantais Comhairleora Cánach (TAIN) acu.

Ba chóir do na custaiméirí seo tuairiscí a sheoladh chuig shipstores@revenue.ie.

Tabhair do d’aire

Ní fhéadann na Coimisinéirí Ioncaim aon ráthaíocht a thabhairt ar shlándáil sonraí pearsanta agus íogaire a sheoltar i ngnáth-théacs trí ríomhphost caighdéanach.

Tuairiscí (lena gcomhlánú agus a thíolacadh trí M’Fhiosruithe)

Is iad seo a leanas na tuairiscí a fhéadfaidh sé gur gá do mháistir soithigh nó píolóta i gceannas ar aerárthach a chomhlánú:

• Report of aircraft – entry into the State
• Report of vessel – entry into the State
• Report of ferry – entry into the State
• Report of aircraft – departure from the State
• Report of vessel – departure from the State
• Report of ferry – departure from the State
• Report of stores
• Report of prohibited or restricted goods.