Earraí pearsanta á dtabhairt ar ais go hÉirinn ó thaobh amuigh den AE
Léargas ginearálta
Féadfaidh sé go gcáileoidh earraí pearsanta a fhágann tú i do dhiaidh agus tú ag taisteal lasmuigh den Aontas Eorpach (AE) le haghaidh faoisimh ó dhleachtanna iompórtála nuair a thugtar ar ais chugat iad. Ciallaíonn sé seo nach bhfuil aon Dleacht Custam ná Cáin Bhreisluacha (CBL) iníoctha nuair a cháilíonn tú don fhaoiseamh.
I measc na n-earraí pearsanta d'fhéadfadh a bheith san áireamh, tá spéaclaí, fóin agus éadaí a fhágtar i lóistín lasmuigh den Aontas Eorpach agus a sheoltar ar ais chugat ina dhiaidh sin.
I gcásanna áirithe, d'fhéadfadh bagáiste nó earraí pearsanta a thugtar amach as Éirinn agus an AE ar dtús, ach a sheoltar ar ais go hÉirinn, cáiliú freisin le haghaidh faoisimh ó dhleachtanna iompórtála. D'fhéadfaí go n-áireofaí leis seo éadaí nó oiriúintí a chuirtear ar ais go hÉirinn mar nach raibh siad ag teastáil do do thuras a thuilleadh.
Ní mór duit a thaispeáint gurb iad na hearraí atá á dtabhairt ar ais d'earraí pearsanta agus gur thóg tú amach as an AE iad.
Ní cháileoidh earraí a cheannaítear, a bhronntar nó a fhaightear lasmuigh den AE don Fhaoiseamh i leith Earraí Aisdúichithe (RGR)