Taifid atá le coimeád
Ní mór duit na taifid seo a leanas a choinneáil maidir le haisíocaíochtaí as taisteal agus cothabháil:
- ainm agus seoladh an stiúrthóra nó fostaí
- dáta an turais
- an fáth leis an turas
- líon na gciliméadar a bhí i gceist
- pointe tosaigh, ceann scríbe agus pointe deiridh an turais
- an bonn le haisíocaíocht costas taistil agus cothabhála, mar shampla, áit a mbeadh gá le hoibrí fanacht in áit eile seachas an baile thar oíche.
Má chúitíonn tú costais iarbhír, ní mór duit gach fáltas a choinneáil. Ní mór duit gach taifead a choinneáil ar feadh sé bliana tar éis dheireadh na bliana cánach a dtagraíonn na taifid di.
Má tá aon cheisteanna agat maidir le leordhóthanacht na dtaifead a choinníonn tú, iarrtar ort teagmháil a dhéanamh le hOifig na gCoimisinéirí Ioncaim chun cúnamh a fháil.