Baile   Poist agus pinsin  

Do Cháin Ioncaim a ríomh

  1. Léargas ginearálta
  2. An chaoi a ríomhtar do Cháin Ioncaim
  3. Céard is pá comhlán agus pá incháinithe ann?
  4. Céard is banda ráta cánach ann?
  5. Céard is banda ráta méadaithe ann?
  6. Cén chaoi a n-oibríonn creidmheasanna cánach
  7. Céard is Deimhniú Creidmheasanna Cánach ann?
  8. Féachaint ar do shonraí pá agus cánach

Céard is banda ráta méadaithe ann?

In 2024, is é an banda ráta caighdeánach (20%) le haghaidh lánúineacha pósta nó i bpáirtnéireacht shibhialta ná €49,000. Má tá an bheirt ag obair, méadaítear é faoin tsuim is lú den mhéid seo a leanas:

  • €33,000
  • nó
  • ioncam an tsaothraí is ísle.

Ciallaíonn sé seo gurb é €84,000 (€51,000 + €33,000) an banda ráta caighdeánach uasta a d’fhéadfadh a bheith ag lánúin. Ní fhéadann duine amháin an tsuim iomlán €84,000 a úsáid.

Ní fhéadann duine aonair breis agus €51,000 a bheith acu ach amháin má tá faoisimh bhreise acu amhail:

Tabhair do d'aire

Níl an méadú sa bhanda ráta caighdeánach incheadaithe sa chás go bhfuil lánúin ag éileamh an Chreidmheasa Cánach do Chúramóir Baile.

  • Sampla 1

    Is fostaithe ÍMAT iad Sorcha agus Aonghus. Tá siad pósta agus gearrtar cáin orthu faoin mbonn measúnaithe chomhpháirtigh. Tá ioncam bliantúil €71,000 ag Sorcha. Is é Aonghus an saothraí is ísle agus tá ioncam bliantúil €22,500 aige.

    Toisc go bhfuil Sorcha agus Aonghus araon ag obair, tá an banda ráta méadaithe dlite dóibh. Méadaítear é de bhun ioncam Aonghusa. Is mar seo atá sé toisc go bhfuil ioncam Aonghusa níos ísle ná €33,000.

    Tá banda ráta €73,500 (€51,000 + €22,500) ag Sorcha agus Aonghus.

  • Sampla 2

    Is fostaithe ÍMAT iad Úna agus Doireann. Is páirtnéirí sibhialta iad agus gearrtar cáin orthu faoin mbonn measúnaithe chomhpháirtigh. Tá ioncam bliantúil €54,000 ag Úna. Is í Doireann an saothraí is ísle agus tá ioncam bliantúil €33,300 aici.

    Toisc go bhfuil Úna agus Doireann araon ag obair, tá an banda ráta méadaithe dlite dóibh. Méadaítear é de bhun €33,000. Tá sé seo mar tá an t-ioncaim uasta (€33,300) níos airde ná €33,000.

    Tá banda ráta €84,000 (€51,000 + €33,000) ag Úna agus Doireann.

Tá tuilleadh eolais ar fáil in Rátaí cánach, bandaí agus faoisimh maidir leis an gcaoi a fhéadann do banda ráta a bheith méadaithe.

Ar aghaidh: Cén chaoi a n-oibríonn creidmheasanna cánach

Foilsithe: 01 Eanáir 2024 Priontáil an leathanach seo

Leathanach baile Ar ais go barr