Íocaíochtaí cúitimh áirithe arna ndéanamh faoi dhlí fostaíochta

Tá íocaíochtaí áirithe a dhéantar le fostaithe faoi dhlí fostaíochta díolmhaithe ó Cháin Ioncaim. Baineann an díolúine seo le fíorchúiteamh i leith sáruithe ar chearta fostaíochta. Ní bhaineann sé le gnáthphá, nó le riaráistí pá.

Is féidir le híocaíocht a bheith díolmhaithe ó Cháin Ioncaim má chomhlíontar na nithe seo a leanas:

• Rinneadh an íocaíocht ar an 4 Feabhra 2004, nó dá éis.
• Rinne a bhfostóir, nó iarfhostóir, an íocaíocht le fostaí nó le hiarfhostaí.
• Rinneadh an íocaíocht faoi dhlí fostaíochta tar éis moladh, cinntiú, nó cinneadh ó údarás ábhartha. I measc na n-údarás ábhartha tá:
  • Oifigeach breithniúcháin de chuid an Choimisiún um Chaidreamh san Áit Oibre (CCAO).
  • An Coimisiún um Chaidreamh san Áit Oibre (CCAO).
  • An Chúirt Dúiche.
  • An Chúirt Oibreachais.
  • An Chúirt Chuarda.
  • An Ard-Chúirt.
• Déantar an íocaíocht:
  • faoi phróiseas idirghabhálacha dá bhforáiltear sa dlí fostaíochta a ndéileáiltear leis mar an gcéanna le cinneadh nó le moladh.
  • nó
  • faoi chomhaontú socraíochta scíofa idir fostóir agus fostaí nach bhfuil ceangailte, sa chás go gcomhlíontar coinníollacha áirithe. Sa chás sin, ní fhéadfaidh an méid socraíochta a bheith níos mó ná an dámhachtain uasta a d'fhéadfadh údarás ábhartha a dhéanamh.

Ní bhaineann an díolúine seo le haon chuid d'íocaíocht amhail pá as obair, riaráistí pá, nó aon chineál luach saothair (cibé a thuairiscítear é).

Cén chaoi le díolúine a éileamh

Is é an bealach is éasca agus is sláine chun an díolúine seo a éileamh ná iarratas a chur isteach trí moChúrsaí nó trí Sheirbhís ar Líne na gCoimisinéirí Ioncaim (ROS) ag baint úsáide as M’Fhiosruithe.