íocaíochtaí cúitimh um Heipitíteas C

Má diagnóisíodh thú le VEID, antasubstaintí Heipitíteas C nó Heipitíteas C, agus má fuair tú cúiteamh a bhaineann le do dhiagnóis, d'fhéadfá cáiliú le haghaidh faoiseamh cánach.

Tá na híocaíochtaí cúitimh le daoine aonair seo a leanas díolmhaithe ó Cháin Ioncaim, Muirear Sóisialach Uilíoch (MSU), agus Cáin Ghnóthachan Caipitiúil (CGC):

• Íocaíochtaí cúitimh a rinne an Hepatitis C and HIV Compensation Tribunal.
• Íocaíochtaí den chineál céanna a bronnadh tar éis caingean shibhialta i leith damáistí a bhaineann le díobháil phearsanta.

Sa chás go ndéanann duine aonair an íocaíocht chúitimh seo a infheistiú, d'fhéadfadh sé a bheith díolmhaithe ó cháin freisin i ndáil leis an ioncam nó leis an ngnóthachan ón infheistíocht.

Chun tuilleadh eolais a fháil, féach an Tax and Duty Manual Part 07-01-05 nó déan teagmháil le hAonad na gCásanna Íogaire (SCU) trí M’Fhiosruithe.

Cén chaoi le díolúine a éileamh

Is é an bealach is éasca agus is sláine chun an díolúine seo a éileamh ná iarratas a chur isteach trí moChúrsaí nó trí Sheirbhís ar Líne na gCoimisinéirí Ioncaim (ROS) ag baint úsáide as M’Fhiosruithe. 

Tá SCU tiomnaithe ag na Coimisinéirí Ioncaim a chuireann tacaíocht rúnda ar fáil do dhaoine aonair ar bronnadh íocaíochtaí orthu ó na foinsí seo.

Nuair a bheidh tú sínithe isteach ar moChúrsaí nó ROS, féadtar d'fhiosrú a chur isteach go díreach chuig an SCU tríd M’Fhiosruithe. 

Tabhair do d'aire

Ba chóir duit an méid seo a leanas a chur san áireamh le do chéad iarratas:

• Teastas dochtúra ina luaitear an diagnóis.

• gach fianaise dhoiciméadach ina léirítear na sonraí iomlána maidir le d’éileamh agus méid na híocaíochta a fuarthas as damáistí.

De rogha air sin, is féidir dul i dteagmháil leis an SCU chomh maith trí phost nó ar an bhfón leis na sonraí thíos.

Seoladh poist

Na Coimisinéirí Ioncaim
Bosca Poist 13274
Leitir Ceanainn
Co. Dhún na nGall.

Uimhir fóin