Príomhphointí ón suirbhé ar Amanna Freagartha Measta

Is mian linn buíochas a ghabháil leis na rannpháirtithe go léir a ghlac an t-am chun ár suirbhé le déanaí ar fhorbairt an Ama Freagartha Measta a chomhlánú. Cuirtear an tAm Freagartha Measta ar fáil chun custaiméirí a chur ar an eolas faoin achar ama a bhfuiltear ag súil leis le haghaidh freagra ar a dtíolacadh trí M'Fhiosruithe.

Tá do rannpháirtíocht agus d'aiseolas macánta ríthábhachtach chun riachtanais na gcustaiméirí a thuiscint agus an fhorbairt seo a fheabhsú.

Is cúis áthais dúinn a roinnt go raibh torthaí an tsuirbhé dearfach i gcoitinne. Léirigh siad go soiléir na réimsí ina bhfuil gné an Ama Freagartha Measta ag feidhmiú go maith agus na réimsí ina bhféadfadh muid tuilleadh feabhais a dhéanamh:

• Dúirt 78% de chustaiméirí linn go dtuigeann siad go soiléir céard is brí le "Am Freagartha Measta".
• Dúirt 73% go bhfáiltíonn siad roimh an bhforbairt seo.
• Dheimhnigh 58% gur laghdaigh an t-am freagartha measta an gá atá acu tuilleadh teagmhála a dhéanamh linn.
• Dúirt 73% go spreagfadh am freagartha measta iad chun M'Fhiosruithe a úsáid arís amach anseo.

Tá an t-am freagartha measta ag cur le tuiscint agus muinín inár seirbhísí ar líne. Is réimse é seo a leanfaimid orainn ag díriú air de réir mar a fhorbrófar an ghné.

Tá na Coimisinéirí Ioncaim tiomanta i gcónaí d'amanna freagartha iarbhír do thíolacthaí M'Fhiosruithe a laghdú, agus cuirfidh an t-aiseolas ón suirbhé seo bonn eolais faoi dhá shraith oibre i gcomhthráth. Áirítear leis seo leanúint de chruinneas agus d’úsáideacht tháscaire an Ama Freagartha Measta féin a fheabhsú. Cuimsíonn sé freisin ár n-iarrachtaí leanúnacha agus níos leithne chun amanna próiseála agus freagartha a laghdú ar fud M'Fhiosruithe.

Go raibh maith agat arís as do chuid ama agus as leanúint ar aghaidh ag plé lenár seirbhísí.