Rabhadh: Glaonna gutháin bréagacha

Tuigtear do na Coimisinéirí Ioncaim go bhfuil líon daoine a bhfuil glaonna teileafóin faighte acu ó dhuine atá in ainm a bheith ag obair sna Coimisinéirí Ioncaim ag comhairliú go bhfuil aisíocaíocht chánach dlite, ag éilimh íocaíocht láithreach i dtaca le bille cánach nó ag cur in iúl go bhfuil cás coiriúil á thabhairt in aghaidh an duine. Níl an duine seo ag glaoch ar son na gCoimisinéirí Ioncaim.

Má fhaigheann tú glao teileafóin atá in ainm a bheith ag teacht ó na Coimisinéirí Ioncaim agus a bhfuil aon amhras ort ina leith, go háirithe mura bhfuil aon choinne agat leis an nglao, ba chóir duit dul i dteagmháil le d’oifig de chuid na gCoimisinéirí Ioncaim. Má fhaigheann tú teagmháil ag éileamh íocaíocht cánach, a bhfuil aon amhras ort ina thaobh, ba chóir duit dul i dteagmháil le Rannóg an Ard-Bhailitheora de chuid na gCoimisinéirí Ioncaim (01 738 36 63).

Ba chóir d’aon duine a sholáthraíonn faisnéis phearsanta trí bhotún i bhfreagairt glaonna teileafóin calaoiseacha den chineál seo teagmháil a dhéanamh lena mbanc nó lena gcuideachta cárta creidmheasa láithreach agus na Gardaí a chur ar an eolas faoi.

Tá sé tábhachtach a chur in iúl nach gcuireann caimiléireacht den chineál seo isteach ar chórais nó ar shlándáil na gCoimisinéirí Ioncaim.