Bainistigh do chuntais bhainc le haghaidh aisíocaíochtaí
Tugtar achoimre ar an leathanach seo ar conas do shonraí bainc a chur isteach ar Sheirbhís ar Líne na gCoimisinéirí Ioncaim (ROS). Ní mór duit na treoracha seo a leanúint más mian leat aisíocaíochtaí a fháil chuig do chuntas bainc ainmnithe.
Is féidir le húsáideoirí moChúrsaí a gcuid sonraí bainc a nuashonrú trí chliceáil ar 'Mo Phróifíl' agus ansin an rogha 'Mo shonraí' a roghnú.
Cé dó an tseirbhís seo?
Tá an tseirbhís seo ann do cháiníocóirí féinmheasúnaithe agus do chuideachtaí nó comhpháirtíochtaí (custaiméirí ROS).
An méid a theastaíonn chun an tseirbhís seo a úsáid
Chun an tseirbhís a úsáid, ní mór:
- a bheith cláraithe le haghaidh ROS
- agus
- Uimhir Idirnáisiúnta Cuntais Bainc (IBAN) (agus Cód Aitheantais Bainc (BIC) nuair atá ceann ann) do chuntais bainc a bheith agat. Ní mór do chuntas a bheith comhlíontach leis an Limistéir Aonair d’Íocaíochtaí Euro (SEPA).
Cén chaoi le teacht ar an tseirbhís
Féadtar teacht ar an tseirbhís seo trí ROS ach na céimeanna seo a leanúint:
- Sínigh isteach ar ROS.
- Ar an gcluaisín ‘Mo Sheirbhísí Féin’, scrollaigh síos go dtí an 'Mol Íocaíochta'.
- Roghnaigh 'Bainistigh Íocaíochtaí Athfhillteachta agus Cuntais Bhainc'.
- Cliceáil ar 'Bainistigh Cuntais Bhainc' agus roghnaigh cibé an mian leat cuntas bainc atá ann cheana a leasú nó cuntas bainc nua a chur leis.
- Roghnaigh 'Tá' faoi 'Cuntas Aisíocaíochta' agus sábháil na hathruithe.
Chun tuilleadh eolais a fháil, féach Conas sonraí cuntais bhainc a chur ar bun agus a nuashonrú ar ROS.