Baile   Creidmheasanna cánach pearsanta, faoisimh agus díolúintí   Ioncam agus fostaíocht  

Asbhaint Tuillimh Eachtraigh (ATE)

  1. Léargas ginearálta
  2. Cé a cháilítear do ATC?
  3. Cé mhéad liúntas a fhéadtar a éileamh?
  4. Cén chaoi a dhéantar iarratas ar ATE?

Cé mhéad liúntas a fhéadtar a éileamh?

Is ionann suim an liúntais atá dlite agus €35,000 nó suim níos lú ná sin, é sin nó an tsuim shonraithe.

Ríomhtar an tsuim shonraithe trí úsáid a bhaint as an bhfoirmle D x E / F.

  • Is ionann D agus an líon laethanta cáilitheacha a oibrítear i stát ábhartha le linn na bliana cánach
  • Is ionann E agus an t-ioncam uile a fhaightear ón bhfostaíocht sa bhliain chánach. Áirítear leis seo aon ghnóthachan incháinithe a réadaítear de bhun scair-roghanna, lúide aon ranníocaíochtaí nó préimheanna pinsin cáilitheacha. Ní áirítear leis seo íocaíochtaí i leith costais incheadaithe, Sochair Chomhchineáil, agus íocaíochtaí i leith foirceanta agus cúnaint shriantacha.
  • Is ionann F agus an líon laethanta atá an fhostaíocht agat sa bhliain chánach (tá 365 lá i mbliain iomlán chánach).

Laghdaítear an tsuim shonraithe de bhun d’ioncam a tuilleadh i leith laethanta cáilitheacha a bhfuil Faoiseamh um Chánachas Dúbailte ar fáil ina leith faoi chonradh cánach. 

Léirítear i Samplaí 1 agus 2 an chaoi a ríomhtar an Asbhaint i leith Tuillimh Eachtracha.

  • Sampla 1

    Tá ar Thomás taisteal chuig an Rúis chun margaí nua a lorg d’earraí a fhostóra. Bhain sé an Rúis amach ag 10pm an 10 Eanáir 2012. D’oibrigh sé ansin go dtí gur fhág sé an 12 Aibreán 2012 ag 8am. Is é a thuarastal ná €160,000.

    Caitheann Tomás 92 lá cáilitheach sa Rúis. 21 lá in Eanáir, 29 lá i bhFeabhra, 31 lá i Márta agus 11 lá in Aibreán atá i gceist leis seo. 

    Is é an faoiseamh atá dlite: 

    92 lá/365 lá * €160,000 = €40,328. 

    Ceadaítear do Thomás a thuarastal €160,000 a laghdú faoi €35,000, arb é sin an méid níos lú.    

  • Sampla 2

    Fágann Áine Éire an 6 Samhain 2014 ag 8am chun taisteal go Singeapór trí Londain. Baineann sí Singeapór amach an 7 Samhain ag 9pm agus fanann sí ann go dtí go bhfilleann sí ar Éirinn an 4 Nollaig ag 8am.

    An 2 Feabhra 2015, fágann sí Éire ag 6pm agus baineann sí an Mhalaeisia amach ag 3am an 4 Feabhra.  Oibríonn sí ansin go dtí go bhfágann sí an 8 Feabhra chun taisteal go Gána.  Baineann sí Éire amach arís an 19 Feabhra ag 10pm.  

    Is é a tuarastal ná €170,000 in 2014 agus €180,000 in 2015. 

    Tá 42 lá cáilitheach ag Áine. Is éard atá i gceist leis seo ná 27 lá i Singeapór agus 15 lá sa Mhalaeisia agus i nGána.  Tá 27 lá cáilitheach aici in 2014 agus 15 lá cháilitheacha aici in 2015.  

    Is é an faoiseamh atá dlite: 

    2014

    27 lá/365 lá * €170,000 = €12,575 

    Mar gheall gurb é €12,575 an méid níos lú, ceadaítear d’Áine a tuarastal don bhliain 2014 a laghdú anuas ó €170,000 go dtí €157,425.  

    2015

    15 lá/365 lá * €180,000 = €7,397 

    Mar gheall gurb é €7,397 an méid níos lú, ceadaítear d’Áine a tuarastal don bhliain 2015 a laghdú anuas ó €180,000 go dtí €172,603.  

Ar aghaidh: Cén chaoi a dhéantar iarratas ar ATE?

Foilsithe: 15 Aibreán 2019 Priontáil an leathanach seo

Leathanach baile Ar ais go barr