Scéim Tacaíochta Sriantaí COVID (STSC)
Critéir cháilitheacha do ghnóthaí incháilithe
Bhí an Scéim Tacaíochta Sriantaí COVID (STSC) ar fáil do ghnóthaí a lean ar aghaidh ag trádáil, nó le gníomhaíochtaí trádála, ó áitreabh gnó. Bhí na nithe seo a leanas san áireamh leis seo:
- comhlachtaí
- trádálaithe aonair nó daoine aonair féinfhostaithe
- comhpháirtíochtaí
- carthanais agus comhlachtaí spóirt ceadaithe (le haghaidh tréimhse éilimh tar éis 20 Nollaig 2021).
Céard is gnó incháilithe ann?
Le bheith incháilithe, níor mór:
- do bhrabús na trádála, nó do ghníomhaíocht trádála, an ghnó bheith inmhuirir i leith cánach faoi Chás I de Sceideal D ( i gcás carthanais agus comhlachtaí spóirt ceadaithe, go raibh siad inmhuirir, seachas díolúintí cánach a bheith ar fáil)
- don áitreabh gnó a bheith lonnaithe go hiomlán taobh istigh de réigiún geografach ina bhfuil srianta COVID-19 i bhfeidhm
- níor mór imréiteach cánach bailí a bheith ag gnóthaí chun páirt a ghlacadh san STSC agus níor mór imréiteach cánach a choinneáil ar feadh thréimhse na scéime.
Tabhair do d’aire
Níor mór do ghnóthaí a chinntiú go raibh deimhniú imréitigh cánach ó na Coimisinéirí Ioncaim acu chun bheith incháilithe don STSC.
Critéar incháilitheachta
Má bhí gnó incháilithe agat, chun cáiliú don STSC níor mór go mbeifeá in ann a léiriú:
- gur oibrigh do ghnó ó áitreabh gnó atá lonnaithe go hiomlán i réigiún atá faoi réir srianta an Rialtais i dtréimhse an éilimh
- de bharr shrianta an Rialtais, níor mór don ghnó cosc nó srian suntasach a chur ar bhaill an phobail rochtain ar d’áitreabh gnó
- nár sáraigh láimhdeachas an ghnó le linn tréimhse na srianta (tréimhse an éilimh) 40% (nó 25%* más cuí) de:
- meán-láimhdeachas seachtainiúil an ghnó in 2019
- meán-láimhdeachas seachtainiúil an ghnó i dtréimhse tagartha. Bhraith sé seo ar dháta bunaithe an ghnó nua
- gur chloí do ghnó le dualgais i ndáil le clárú agus cuntasaíocht na Cánach Breisluacha (CBL)
- go raibh sé ar intinn ag do ghnó trádáil a aththosú nuair a chuirtear deireadh le srianta an Rialtais.
*Baineann an tástáil 40% le tréimhsí na héilimh tar éis an 20 Nollaig 2021.
Ar aghaidh: Seimineár ar líne ar an Scéim Tacaíochta Sriantaí COVID (STSC)