Seirbhísí incháinithe ag ráta na n-earraí (an riail dhá thrian)
Céard é an riail dhá thrian?
Is minic go gcuirtear earraí ar fáil le linn seirbhís a sholáthar, mar shampla, páirteanna i ndeisiú meaisín níocháin.
Tá rialacha áirithe ann i ndáil leis an gcaoi a ndéantar cáin a ghearradh ar an idirbheart seo chun críocha Cánach Breisluacha (CBL).
Tabhair do d’aire
Níl CBL curtha san áireamh sna figiúirí agus sna costais uile.
Más rud é go sáraíonn costas na hearraí a úsáidtear chun an obair a dhéanamh dhá thrian den phraghas iomlán, beidh feidhm ag an ráta a bhaineann leis na hearraí ar an idirbheart iomlán.
Más rud é nach sáraíonn costas na n-earraí a úsáidtear chun an obair a dhéanamh dhá thrian den phraghas iomlán, beidh feidhm ag an ráta a bhaineann leis an tseirbhís ar an idirbheart iomlán.
Tugtar an riail dhá thrian air seo.
- Sampla
Seirbhísí incháinithe ag ráta na n-earraí
|
Seirbhís
|
Suim
|
|
Jab deisiúcháin giotáir, praghas measta
|
€300 móide CBL
|
|
Déanta suas mar seo a leanas:
|
|
|
Costas na n-ábhar, 23% (ar leith ó CBL)
|
€220
|
|
Saothar, forchostais, brabús
|
€80
|
|
Iomlán
|
€300
|
Sáraíonn costas na n-ábhar €220 (ar leith ó CBL) 2/3 den phraghas iomlán (ar leith ó CBL).
CBL inmhuirir €69 (€300 @ 23%).
Níl na seirbhísí seo a leanas faoi réir na rialach dhá thrian:
- Mótarfheithiclí nó innealra talmhaíochta a dheisiú nó a chothabháil.
- Seirbhísí tógála nuair a thugann príomhchonraitheoirí cuntas ar CBL ar sheirbhísí a fháil ó fhochonraitheoirí.
- Seirbhís tógála idir dhá pháirtí a bhfuil ceangal eatarthu.