Cáin shiarchoinneálach ar íocaíochtaí úis
Den chuid is mó, ní mór Cáin Shiarchoinneálach,ag an ráta caighdeánach cánach, a asbhaint ó:
- íocaíochtaí bliantúla úis
- agus
- íocaíochtaí ríchíosa agus suimeanna eile a íoctar maidir le úsáideoir paitinne.
Iasachtaí idir piaraí
Aon ús a íoctar ar mhaoiniú a fuarthas ó iasachtaí idir piaraí, nó ó shlua-chistiú, tagann siad laistigh de na forálacha um Cháin Shiarchoinneálach. Ní mór do chomhlacht a íocann ús ar cheachtar díobh seo cáin a asbhaint ag an ráta caighdeánach ar an íocaíocht úis.
Díolúintí, nó eisceachtaí, ón dualgas chun Cáin Shiarchoinneálach a asbhaint
Tá réimse leathan díolúintí nó eisceachtaí ón dualgas Cáin Shiarchoinneálach a asbhaint. Féadtar iad seo a cheadú gan réamhcheadú ó na Coimisinéirí Ioncaim. Ní bhaineann na díolúintí, ná na heisceachtaí, le daoine aonair atá cónaitheach sa Stát. I gcúinsí áirithe, cuirtear na díolúintí agus eisiaimh as feidhm. Tarlaíonn sé seo nuair a dhéantar íocaíochtaí áirithe le heintitis chomhlachaithe sna cásanna seo a leanas:
- dlínsí le cáin nialasach nó gan cháin
- nó
- dlínsí ar liosta an Aontais Eorpaigh de dhlínsí neamh-chomhoibríocha.
Le haghaidh tuilleadh eolais, féach: