Riachtanas go dtabharfaí fógra maidir le Rialachán ar Urrúsú an AE
Foráiltear le Rialachán (AE) ar Urrúsú, arna leasú, nach mór d’infheisteoirí in Eintitis Shainchuspóireacha Urrúsúcháin (SSPEanna) áirithe a n-údarás cánach a chur ar an eolas maidir le hinfheistíochtaí den sórt sin.
Fógra Infheistíochta (NOI)
Is gá d’infheisteoirí cónaithe Éireannach bainteach le SSPEanna áirithe NOI a chur faoi bhráid na gCoimisinéirí Ioncaim.
Is riachtanas é d’infheisteoir Éireannach NOI a chomhlánú nuair a bhíonn an SSPE:
- bunaithe tar éis an 9 Aibreán 2021
- agus
- lonnaithe i ndlínse atá ar an liosta thíos.
Ba cheart an NOI a chur isteach trí M'Fhiosruithe. Is gá don infheisteoir an NOI a chur isteach faoin spriocdháta le haghaidh tuairisceán cánach an tréimhse ina ndéantar an infheistíocht.
- Sampla
D’infheistigh Mary in SSPE in Eswatini ar 31 Bealtaine 2023. Is gá do Mary NOI a chur isteach maidir leis an infheistíocht seo trí M’Fhiosruithe. Ba cheart an NOI a chur isteach faoin spriocdháta tíolactha Foirm 11 maidir le Tuairisceán Cánach Ioncaim 2023.
Ón 26 Feabhra 2024, seo thíos an liosta reatha de dhlínsí Iarscríbhinn II lena bhfuil an riachtanas seo bainteach leo:
- An Airméin
- Eswatini
- agus
- An Mhalaeisia.
Ó 2020, tá sé aontaithe ag na Ballstáit go ndéanfaí nuashonrú ar an liosta seo faoi dhó sa bhliain.
Is féidir leat tuilleadh eolais a fháil faoin liosta seo ag Liosta an AE de dhlínsí neamh-chomhoibríocha.