Camscéimeanna ríomhphoist agus SMS (teachtaireachtaí téacs)

Thug na Coimisineirí Ioncaim faoi deara ríomhphoist (camscéimeanna ríomhphoist) agus SMS (teachtaireachtaí téacs) chalaoiseacha a mhaíonn gurb ó na Coimisinéirí Ioncaim a sheoltar iad. Lorgaíonn siad faisnéis phearsanta ó cháiníocóirí maidir le:

• haisíocaíocht chánach
• nó
• ag lorg sonraí cárta creidmheasa nó cárta dochair.

Níor eisigh na Coimisinéirí Ioncaim na ríomhphoist ná na teachtaireachtaí téacs seo.

Ní sheolann muid ríomhphoist ná teachtaireachtaí téacs riamh a éilíonn ar chustaiméirí faisnéis phearsanta a sheoladh trí ríomhphost, trí téacs ná trí fhuinneoga aníos.

Aon duine a fhaigheann ríomhphost nó teachtaireacht téacs ó na Coimisinéirí Ioncaim agus a cheapann gur calaois nó camscéim é, ba chóir dóibh iad a scriosadh. Ba chóir do dhuine ar bith atá ag feitheamh le haisíocaíocht chánach teagmháil a dhéanamh leis an oifig de chuid na gCoimisinéirí Ioncaim is áitiúla dóibh chun an stádas a fhiosrú.

Má thug tú faisnéis phearsanta mar fhreagra ar na ríomhphoist nó teachtaireachtaí téacs calaoiseacha seo, ba chóir duit teagmháil a dhéanamh le do bhanc nó le do chomhlacht cárta creidmheasa gan mhoill.

Féach ar Slándáil chun tuilleadh eolais a fháil.