Oibreoirí Ardán

Impleachtaí duit maidir le eWHT

• Beidh tú i d'Ainmnithe i leith Siarchoinneáil (DW) má tá tú i d'oibreoir ardáin:
  • a éascaíonn seirbhísí in aon earnáil
  • agus
  • go ndéanann an t-oibreoir ardáin an íocaíocht a ródú ó fhaighteoir na seirbhíse chuig an soláthraí seirbhíse.
• Beidh ort an córas eWHT a oibriú.
• Sula ndéantar íocaíocht le Duine Sonraithe (SP) seolfaidh tú fógra íocaíochta chuig na Coimisinéirí Ioncaim. Tabharfaidh sé seo sonraí na híocaíochta agus na sonraí maidir le cé leis a bhfuil an íocaíocht á dhéanamh.
• Freagróidh na Coimisinéirí Ioncaim trí údarú asbhainte a sheoladh chugat. Cuirfidh sé in iúl:
  • an ráta asbhainte atá le cur i bhfeidhm ar an íocaíocht
  • agus
  • an méid cánach atá le coinneáil siar.
• Beidh an ráta le cur i bhfeidhm mar seo:
  • Ráta Asbhainte Pearsantaithe (PDR) le haghaidh íocaíochtaí le daoine aonair
  • agus
  • ráta comhréidh asbhainte níos ísle le haghaidh íocaíochtaí le corparáidí, páirtnéireachtaí nó eintitis eile.
• Tá sé beartaithe go seolfaidh tú fógraí íocaíochta chuig na Coimisinéirí Ioncaim trí Chomhéadan Feidhmchláir (API). Ciallaíonn sé seo go seolfaidh do chóras TF an fhaisnéis seo mar chuid de do phróisis íocaíochta.
• Tá sé i gceist ag na Coimisinéirí Ioncaim údaruithe asbhaintí a sheoladh chugat trí API. Ciallaíonn sé seo go bhfaighfidh do chóras TF an ráta atá le cur i bhfeidhm ar an íocaíocht.
• Beidh sé seo ina mhalartú sonraí fíor-ama idir do chóras agus ár gcóras féin.
• Cuirfidh tú an ráta sin i bhfeidhm ar an íocaíocht agus coinneoidh tú an cháin siar ón íocaíocht.
• Cuirfidh na Coimisinéirí Ioncam do thuairisceán míosúil le chéile ón bhfaisnéis a sheoltar chugainn. Féadtar é a leasú nó glacadh leis faoin 23^ú lá den mhí dár gcionn.
• Seolfaidh tú an cháin a choinnítear siar ó íocaíochtaí chuig na Coimisinéirí Ioncaim faoin 23^ú lá den mhí dar gcionn.
• Oibreoidh an tsamhail seo gan uaim le do chórais aiceanta agus laghdófar an t-ualach oibríochtúil agus riaracháin a bheadh ort.
• Déanfaidh muid scrúdú ar an gcaoi a n-idirghníomhaíonn do riachtanais tuairiscithe DAC7 d'fhonn dúbláil oibre a íoslaghdú.
• Beidh gníomhairí cánach atá ag feidhmiú thar ceann oibreoirí ardán in ann idirghníomhú leis na Coimisinéirí Ioncaim faoin gcóras nua.

Buntáistí

• Cruthóidh eWHT creat cánach iarchoimeádta simplí agus nua-aimseartha ar fud na gcánacha iarchoimeádta ar fad a bhaineann le féinfhostaíocht. Ailíneoidh sé seo le spriocanna claochlaithe digiteacha agus le deachleachtais idirnáisiúnta.
• Cuirfidh eWHT ar do chumas do phróisis ghnó a shruthlíniú trí d'oibleagáidí eWHT a chomhtháthú le do ghnáthphróiseas íocaíochta.
• Gheobhaidh tú réiteach míosúil uathoibríoch ó na Coimisinéirí Ioncaim.
• Cuirfidh comhtháthú cánach leis an bpróiseas íocaíochta fáisnéis chruinn ar fáil do na Coimisinéirí Ioncaim. 

Ba mhaith linn d'aiseolas a fháil faoin méid atá molta againn.