Dleacht Ghealltóireachta

Is éard is Dleacht Ghealltóireachta ann ná Dleacht Mháil atá inmhuirir ar gach geall a chuireann duine le geallghlacadóir ceadúnaithe in áitreabh cláraithe an gheallghlacadóra. Tá an muirear seo dlite is cuma an chaoi a gcuirtear an geall. 

Tá Cian-Gheallghlacadóirí Ceadúnaithe faoi dhliteanas na Dleachta Gealltóireachta i ndáil le haon gheallta a dhéantar le daoine sa Stát trí mheán cianda. 

Tá Idirghabhálaithe Cian-Gheallghlacadóra Ceadúnaithe faoi dhliteanas Dleachta Idirghabhálaí Gealltóireachta ar choimisiún gearrtha acu ar dhaoine sa Stát. 

Braitheann an ráta Dleachta Gealltóireachta ar an gcineál gníomhaíochta gealltóireachta. Tá na rátaí reatha Dleachta Gealltóireachta agus Dleachta Idirghabhálaí Gealltóireachta ar fáil ar shuíomh idirlín na gCoimisinéirí Ioncaim. 

Déantar tuairisceáin Dleachta Gealltóireachta a thíolacadh ar bhonn ráithiúil. Ní mór an tuairisceán agus an íocaíocht a dhéanamh ar an 15ú lá den mhí tar éis an lae deiridh den tréimhse chuntasaíochta lena mbaineann an t-éileamh. 

Féadtar tuilleadh eolais ar Dhleacht Ghealltóireachta a fháil ar shuíomh idirlín na gCoimisinéirí Ioncaim. 

Sonraítear sna sonraí a fhoilsítear ar an leathanach idirlín seo an méid dleachta a bhailítear do gheallghlacadóirí traidisiúnta, cianda agus idirmheánacha, agus líon na dtrádálaithe a dhéanann íocaíocht. Cuirtear faisnéis maidir le luach na ngeallta a chuirtear, an ráta dleachta gaolmhar agus an Faoiseamh ó Dhleacht Ghealltóireachta do gach tréimhse chuntasaíochta ar fáil freisin ó na tuairisceáin Dleachta Gealltóireachta. Tugtar na sonraí seo de réir ráithe agus tosaíonn siad in 2015. 

Ba chóir a thabhairt faoi deara gur tugadh ceartú ar íocaíochtaí dleachta gealltóireachta chun cuntais i ráithe 2 de 2024.

• Betting Duty