Córas um Chlárú agus Aithint Oibreoirí Eacnamaíochta (EORI)

Más trádálaí tú a iompórtálann nó a easpórtálann earraí isteach nó amach as an Aontas Eorpach (AE), beidh uimhir EORI uait. Tá an uimhir seo bailí ar fud an AE. Is uimhir thagartha choitinn í le haghaidh idirghníomhú le húdaráis custam de chuid aon Bhallstáit.

Tá sonraí ar an gcaoi chun clárú le haghaidh uimhir EORI ar fáil sa EORI Registration on ROS guide.

Tabhair do d'aire

Tá sé éigeantach Eircode (cód poist) a chur san áireamh i ngach clárúchán EORI (nua agus reatha) ionas nach ndiúltófar do dhearbhuithe.

Sula ndéantar iarratas ar uimhir EORI, beidh ort clárú le haghaidh Seirbhís ar Líne na gCoimisinéirí Ioncaim (ROS). Nuair a chláraíonn tú le haghaidh ROS, cuir d'Éirchód san áireamh sa réimse Éirchód. Má tá tú cláraithe le EORI cheana féin, cinntigh go bhfuil d'Éirchód san áireamh faoi do sheoladh oifigiúil ar an gcluaisín 'Próifíl' in ROS.

Féadtar uirlis bheag ríomh-Fhoghlama le haghaidh EORI a íoslódáil ó Shuíomh Idirlín an AE.

Ina theannta sin, féadtar féachaint ar an treoir físe seo ar an gcaoi le clárú le haghaidh EORI.

Féadfaidh sé go raibh d'uimhir EORI ailínithe le d'uimhir Cánach Breisluacha (CBL) reatha. Rinneadh é seo go ginearálta d'oibreoirí eacnamaíocha a raibh clárúchán Custam agus Máil acu nuair a tugadh EORI isteach in 2009.

Féadtar seiceáil an raibh tú cláraithe don EORI go huathoibríoch trí theacht ar an gCóras um Chlárú agus Aithint Oibreoirí Eacnamaíochta (EORI). Ba chóir duit d’uimhir reatha CBL agus ‘IE’ roimhe, a chur isteach faoi ‘Bailíochtaigh uimhreacha EORI’.

Clárúcháin EORI a chealú nach bhfuil bunaithe i gcríoch chustaim an AE

Féadfaidh na Coimisinéirí Ioncaim uimhreacha EORI a chealú sna cúinsí seo a leanas:

• Nár úsáideadh an uimhir EORI le sé mhí anuas
• Níl aon fhianaise dhoiciméadach ann a thaispeánann gurb í Éire an Ballstát ina dtaiscfear dearbhú Custaim ar dtús
• Ní in Éirinn a dhéanfaidh an t-oibreoir eacnamaíoch iarratas ar chinneadh custaim.

Tuilleadh eolais

Tá líne Chabhrach á hoibriú ag na Coimisinéirí Ioncaim le haghaidh fiosruithe faoin gcóras EORI.