Cead isteach sealadach d'earraí pearsanta agus earraí chun críocha spóirt
Cén chaoi le d'earraí a iompórtáil agus a atheaspórtáil
Nós imeachta ag tráth na hiompórtála
Earraí pearsanta agus earraí chun críche spóirt tionlactha
Ceadaítear na hearraí seo de ghnáth gan fhoirmeáltacht. Tá tuilleadh eolais ar fáil in Taisteal ó taobh amuigh den Aontas Eorpach (AE).
Earraí pearsanta agus earraí chun críocha spóirt neamhthionlactha
Ba chóir duit an fhoirm fardail um dearbhú ó bhéal do chustaim a chomhlánú i ndúblach. Ní mór duit sonraí d’eitilte, nó seoladh go hÉirinn nó as Éirinn , a chur ar fáil. Ba chóir na hearraí agus d’fhoirmeacha a thabhairt do na Coimisinéirí Ioncaim ag tráth na hiompórtála. Déanfaidh oifigeach de chuid na gCoimisinéirí Ioncaim an méid seo a leanas:
- an dá cóip den fhoirm a stampáil agus a shíniú
- dáta na hatheaspórtála a chur isteach
- agus
- cóip amháin a thabhairt ar ais duit nó do do ghníomhaire.
Má tá luach ard ar na hearraí a iompórtálann tú, bíodh siad tionlactha nó neamhthionlactha, féadfaidh sé go mbeidh ort an méid seo a leanas a dhéanamh:
- an dleacht iompórtála a íoc ar éarlais
- nó
- urrús eile cuí a chur ar fáil.
Féadtar dleacht iompórtála a íoc ar éarlais nuair atá foirm fardail um dhearbhú ó bhéal do chustaim á úsáid.
Nós imeachta ag tráth na hatheaspórtála
Nuair atá na hearraí á n-atheaspórtáil, ní mór duit iad a chur i láthair na gCoimisinéirí Ioncaim in éineacht le do chóip den fhoirm fardail um dhearbhú ó bhéal do chustaim.
Ní mór duit na hearraí a atheaspórtáil sula dtéann an tréimhse le haghaidh cead isteach sealadach in éag. Ní mór duit am a thabhairt do na Coimisinéirí Ioncaim scrúdú a dhéanamh ar na hearraí. Coinneoidh na Coimisinéirí Ioncaim cóip de d’fhoirm fardail um dhearbhú ó bhéal do chustaim. Déanfar socruithe chun an taisce a aisíoc, nó an slándáil a fhuascailt, más gá.
Ar aghaidh: Samplaí d'earraí pearsanta agus earraí iompórtáilte chun críocha spóirt