Baile   Gnóthachain, bronntanais agus oidhreachtaí  

Faoiseamh i leith socruithe pósta áirithe (roimh 1 Aibreán 1975)

Baineann an faoiseamh seo le socruithe pósta déanta roimh 1 Aibreán 1975 agus le hoidhreacht tógtha ag garpháiste an duine atá ag tabhairt na hoidhreachta. Tá an garpháiste i dteideal thairseach Ghrúpa A má chomhlíontar na coinníollacha seo a leanas:

  • Rinneadh an socrú roimh 1 Aibreán 1975.
  • Ba é an fáth don shocrú ná pósadh na tuismitheoirí an duine atá ag fáil na hoidhreachta.
  • Is seantuismitheoir de chuid an duine atá ag fáil na hoidhreachta é an duine atá ag tabhairt na hoidhreachta.
  • Is gá go raibh tuismitheoirí an duine atá ag fáil na hoidhreachta i dteideal leas teoranta sa mhaoin.
  • Sampla

    In 1974, phós Eoin agus Helen, ar mac le Peadar é Eoin. Mar chomaoin dá bpósta, d’aistrigh Peadar talamh chuig Eoin dá shaol agus, ar a bhás, chuig Helen dá saol, agus an fuílleach chuig a n-iníon Róise. Ar bhás Helen, gheobhaidh Róise an talamh mar oidhreacht. 

    Is é an diúscróir maidir le hoidhreacht Róise ná a seanathair, Peadar. Beidh tairseach Ghrúpa A ag Róise, áfach, seachas an ghnáth-thairseach Ghrúpa B i leith garpháiste.

Cén chaoi le faoiseamh a éileamh

Chun Faoiseamh a éileamh maidir le socruithe pósta áirithe, ní mór duit Foirm tuairisceáin CFC IT38 a thíolacadh ar líne. Ní mór duit an tuairisceán a thíolacadh trí moChúrsaí nó trí Sheirbhís ar Líne na gCoimisinéirí Ioncaim (ROS).

Foilsithe: 02 Lúnasa 2023 Priontáil an leathanach seo

Leathanach baile Ar ais go barr