Déan iarratas ar aisícaíocht Cánach Breisluacha (CBL) ar áiseanna agus fearais le haghaidh daoine faoi mhíchumas
Féadtar éileamh a dhéanamh i leith aisíocaíocht CBL ar áiseanna agus fearais áirithe le haghaidh úsáide ag duine faoi mhíchumas. Ní áirítear mótarfheithiclí i measc na n-áiseanna agus fearas seo.
Féadtar an t-éileamh seo a dhéanamh más tusa an duine faoi mhíchumas. I gcúisí áirithe, féadtar an t-éileamh seo a dhéanamh chomh maith má cheannaigh tú na hearraí lena n-úsáid ag duine faoi mhíchumas.
Ba chóir duit an t-éileamh seo a dhéanamh leis an tseirbhís ríomh-Aisíocaíochtaí.
Céard a theastaíonn chun éileamh a dhéanamh?
Chun d’éileamh a dhéanamh leis an tseirbhís ríomh-Aisíocaíochtaí, teastóidh an méid seo a leanas:
- sonraí faoi d’éileamh
- doiciméid tacaíochta le haghaidh d’éilimh, lena n-áirítear sonraisc bhunaidh marcáilte mar íoctha go hiomlán
- má bhaineann sé le d’éileamh, tuairisc ó oideachasóir, síceolaí, nó teiripeoir saothair, agus litreacha leighis
- agus
- Uimhir Idirnáisiúnta Cuntais Bainc (IBAN) agus Cód Aitheantais Bainc (BIC) do chuntais bainc.
Cén chaoi le teacht ar an tseirbhís
Féadtar teacht ar an tseirbhís ríomh-Aisíocaíochtaí trí moChúrsaí, ach na céimeanna seo a leanúint:
- sínigh isteach ar moChúrsaí
- cliceáil ar an nasc 'Ríomh-Aisíocaíochtaí' faoin gcluaisín 'Íocaíochtaí - Aisíocaíochtaí'
- cliceáil “Déan éileamh”
- roghnaigh ‘CBL – Cáin Bhreisluacha’
- comhlánaigh an próiseas agus cuir sonraí uile d'éilimh san áireamh.
Féadtar teacht ar an tseirbhís ríomh-Aisíocaíochtaí trí Sheirbhís ar Líne na gCoimisinéirí Ioncaim (ROS), ach na céimeanna seo a leanúint:
- sínigh isteach ar Sheirbhís ar Líne na gCoimisinéirí Ioncaim (ROS)
- cliceáil ar an rannán ‘Seirbhísí Eile’ sa réimse ‘Mo Sheirbhísí Féin’ ar ROS
- cliceáil ar an gcárta ‘Éilimh ríomh-Aisíocaíochta’.