Seirbhísí cúram leanaí

Má sholáthraíonn tú seirbhísí cúraim leanaí i do theach féin, féadfaidh tú faoiseamh do sheirbhísí cúraim leanaí a éileamh gach bliain.

D’fhonn cáiliú ní mór duit:

  • gan níos mó ná €15,000 sa bhliain a thuilleamh ón gníomhaíocht chúraim leanaí
  • a bheith ag soláthar na seirbhíse i do theach féin
  • gan a bheith ag tabhairt aire do níos mó ná triúr leanaí, agus iad níos óige ná 18 bliain d’aois, ag aon am amháin
  • a bheith féinfhostaithe agus cláraithe le haghaidh féinmheasúnú
  • a thaispeáint go bhfuil Feidhmeannacht na Seirbhísí Sláinte (FSS) curtha ar an eolas agat go bhfuil tú, nó go mbeidh tú ag soláthar seirbhísí cúraim leanaí.
  • an t-ioncam ón tseirbhís cúraim leanaí a áireamh i d’fhoirm 11, an áit a n-éilíonn tú an faoiseamh.

Má sholáthraíonn duine eile seirbhísí cúraim leanaí in éineacht leat i do theach féin, roinntear an teorainn ioncaim €15,000 idir an bheirt agaibh.

An chaoi leis an bhfaoiseamh a éileamh

Áirigh an t-ioncam ón tseirbhís cúraim leanaí ar d’Fhoirm 11. Ní mór duit an faoiseamh a éileamh ar nó roimh dáta dlite an tuairisceán cánach, 31 Deireadh Fómhair.