Maurice Walsh: Oifigeach de chuid na gCoimisinéirí Ioncaim agus údar The Quiet Man
Ba é Muiris Walsh, Státseirbhíseach agus Oifigeach Máil sna Coimisinéirí Ioncaim, a d’oibrigh do lucht riaracháin ioncaim na Breataine agus na hÉireann an fear a bhí taobh thiar de scéal an scannáin “The Quiet Man”. Bhí an scannán a bhuaigh Oscar le John Wayne agus Maureen O’Hara ar an scáileán airgid i 1952, seachtó bliain ó shin. D'fhéadfaí a rá gur chuir sé Cong Co. Mhaigh Eo ar an léarscáil.
In aice le Lios Tuathail, Co. Chiarraí, a rugadh Muiris Walsh in 1879. Fuair sé a chuid luathoideachais sa scoil náisiúnta áitiúil agus d’aistrigh sé ina dhiaidh sin go Coláiste Mhichíl, Lios Tuathail. Tar éis a chuid scolaíochta, thosaigh an fear dhá bhliain is fiche d’aois ag obair sa Státseirbhís. Chaith sé tréimhse ghairid i Luimeach agus i dtuaisceart Shasana, sula thug sé aghaidh ar Speyside i nGarbhchríocha na hAlban, áit a ndeachaigh sé i mbun dualgais ar dhrioglanna ag Maigh Raith agus Banff. I 1909 bhog sé ar ais go hÉirinn le postálacha i mBealach an Doirín agus sa Tulach Mhór. D’fhill sé ar Speyside in Albain i 1919 agus bhí cónaí air i sráidbhaile Forres.
D’aistrigh Muiris ar ais go hÉirinn i 1922 nuair a bunaíodh Saorstát Éireann agus chuaigh sé ar dualgas i ndrioglann Bhaile Átha Cliath i Séipéal Iosóid. Thosaigh sé ag scríobh gearrscéalta i 1908, ach nuair a d’fhill sé ar Éirinn i 1922 thosaigh sé ag scríobh faoin tréimhse a chaith sé in Albain. Faoi 1926 bhí a chéad úrscéal "The key above the door" aige, suite i Moray agus san Oileán Sgiathanach. Cé nár éirigh go maith leis ar dtús, thar na blianta chuaigh an leabhar ar aghaidh chun ceathrú milliún cóip a dhíol. Lean dhá úrscéal eile i ndiaidh a chéile go tapa: “While Rivers Run” agus “The Small Dark Man”. Tháinig cáil Mhuiris i 1932 nuair a scríobh sé saothar staire faoi Éirí Amach Uladh, faoi stiúir Aodh Ó Néill agus Aodh Ó Domhnaill. "Blackcock's Feather" a tugadh ar an leabhar. Ag an am seo, bhí sé ina eagarthóir ar iris na nOifigeach Máil "Cainiris" agus bhí ról mór aige in Aontas na nOifigeach Máil "Cómhaltas Cána" agus ceapadh é ina Ard-Rúnaí air agus ina Uachtarán ina dhiaidh sin.
Sa bhliain 1933, nuair a d'fhógair an Rialtas ciorrú pá seirbhíse poiblí, d'fhéadfadh státseirbhísigh a d'aistrigh ó Riarachán na Breataine go Saorstát Éireann roghnú dul ar pinsean iomlán. Cé nach raibh ach 33 den 40 bliain seirbhíse críochnaithe ag Muiris, shocraigh sé dul ar scor.
Nuair a chuaigh sé ar scor, lean Muiris air ag scríobh, agus scríobh sé gearrscéalta d'fhoilseacháin éagsúla in Éirinn, i Sasana agus i Stáit Aontaithe Mheiriceá. Insíodh scéal amháin dá leithéid i leabhar dar teideal "The Quiet Man". Foilsíodh den chéad uair é sa Saturday Evening Post ar 11 Feabhra 1933. Ní raibh sé i bhfad go dtí gur tháinig Hollywood ag cnagadh ar a dhoras, ag fiosrú faoi scannán a dhéanamh den leabhar. Bhí Muiris díreach tar éis teach a aistriú ó Inse Chór go dtí an Charraig Dhubh, Contae Bhaile Átha Cliath. Rinneadh John Ford, duine de na léiritheoirí scannán is mó riamh, an scannán The Quiet Man i 1952.
Fuair Muiris bás ar an 18 Feabhra 1964 agus cuireadh é i reilig an Eiscir i Leamhcán in aice leis an áit a raibh sé ag obair blianta fada roimhe sin mar Oifigeach Máil i Séipéal Iosóid.