Ríomh-thíolacadh éigeantach

Ba chóir duit do thuairisceáin chánach a thíolacadh agus a íoc go leictreonach ar Sheirbhís ar Líne na gCoimisinéirí Ioncaim (ROS). Féadtar leas a bhaint as síneadh ama ar spriocdhátaí chun cáin a íoc agus tuairisceáin a thíolacadh sa chás go n-úsáideann tú ROS chun íocaíocht agus tíolacadh araon a dhéanamh.

Tá dualgas dlíthiúil ar an bhformór mór de chustaiméirí gnó na gCoimisinéirí Ioncaim ríomh-thíolacadh agus ríomh-íocaíocht a dhéanamh. Mura n-úsáideann tú ROS chun do thuairisceáin a thíolacadh agus íocaíochtaí a dhéanamh, féadfaidh sé go mbeidh ort pionós €1,520 a íoc ar gach idirbheart.

Tá tuilleadh eolais ar ríomh-thíolacadh éigeantach ar fáil sa rannán Gnó a thosú.