Baile   Cáin Bhreisluacha (CBL)   CBL a ghearradh  

Pacáistiú, loingseoireacht agus postas

Féadtar earraí a sholáthar agus iad pacáilte lena ndíol gan aon mhuirear ar leithligh déanta don phacáistiú ina gcoinnítear na hearraí. I gcásanna den chineál seo, is é an ráta Cánach Breisluacha (CBL) atá inmhuirir ná an ráta a bhaineann leis na hearraí.

Má ghearrtar muirear ar na coimeádáin ar leithligh ó na hearraí, meastar gur díolacháin ar leith earraí agus coimeádán atá san idirbheart. Tá gach díolachán ar leithligh inmhuirir ag an ráta cuí.

 Más amhlaidh go bhfuil na coimeádáin in-aischurtha

Féadann coimeádáin a bheith in-aischurtha agus muirear ar leithligh orthu mar chineál éarlaise, agus é gearrtha orthu ar shonrasc. Is leis an soláthraí an mhaoin agus níl siad faoi réir CBL ag an tráth a aistríonn siad lámha.

Tá CBL iníoctha ag an ráta cuí, áfach, ar luach na gcoimeádán nach gcuirtear ar ais chuig an soláthraí. Ba chóir cuntas a thabhairt i leith an CBL seo nuair atá cuntas na gcoimeádán á chothromú. Gearrann an soláthraí muirear le haghaidh luach na gcoimeádán nach dtugtar ar ais.

Postas

Má ghearrtar táille ar leithligh ar phostas agus má íoctar é go hiomlán le An Post, níl na táillí seo faoi réir CBL sa chás seo.

  • Sampla

    Ghearr trádálaí €5 breise ar ordú a phostáil. Íocadh suim an phostais iomláin seo le An Post.   Tá an €5  dhíolmhaithe ó CBL.

    Gearrtar muirear ar phostais ar luach níos lú ná an tsuim atá íoctha ag an soláthraí le An Post. Is cuid de phraghas iomlán na n-earraí nó seirbhísí a sholáthraítear é an muirear postais a ghearrtar ar an gcustaiméir. Tá sé seo faoi réir an ráta CBL infheidhme do na hearraí nó seirbhísí i gceist.

    Faigheann gnó a sholáthraíonn seirbhís dáilte d’irisí lascaine toirte don phostas ó An Post. Braitheann an cás seo ar roinnt cúinsí.  Ní thugtar an lascaine ó An Post ar aghaidh ina hiomláine don chustaiméir.

Foilsithe: 14 Iúil 2023 Priontáil an leathanach seo

Leathanach baile Ar ais go barr